User Tag List

Page 1 of 27 12345678910 ... LastLast
Results 1 to 10 of 270

Thread: بجریز پر چھوٹی سی کِتاب ۔۔۔۔۔۔۔۔

  1. #1
    Premium Member mohsin hussain's Avatar
    Join Date
    Jun 2012
    Location
    sheikhupura
    Posts
    942
    Mentioned
    917 Post(s)
    Tagged
    54 Thread(s)
    Rep Power
    85


    56 members found this post helpful.

    بجریز پر چھوٹی سی کِتاب ۔۔۔۔۔۔۔۔

    شُروع اللہ کے نامِ با برکت سے جو مہربان بھی ھے اور رحم کرنے والا بھی سب تعریفیں خاص اُسی کے لیے ہیں اُسی کو ہر چیز کا عِلم ھے ۔۔۔۔۔۔۔

    سب بھائیوں کو اسلامُ علیکُم ۔۔۔۔۔۔ سلام کے بعد عرض ھے کہ میں اپنی اِس کوشش کو برڈز پلینِٹ فورم کے نام کرتا ھوں جِس نے مُجھے عِزت اور پہچان دِی ۔۔۔۔۔
    ِاس آرٹیکل کا مقصد کِسی کو کُچھ سِکھانا نہیں ھے کیونکہ یہ میرے بس کی بات ھے ھی نہیں کیونکہ میں ایک کم عِلم طالِبِ عِلم ھوں کوئی اُستاد نہیں بلکہ اِس فورم کے
    اُستادوں سے سیکھنے کی کو شش میں رہتا ھوں خاص طورپر احمد عُثمان بھائی سے ۔۔۔۔۔ نا ہی میرے برڈز بہت اچھی کوالٹی کے ھیں میں تو بالکُل نارمل سا شوق
    کرتا ھوں ۔ میں تو فکر مند ھوتا ھوں کہ میرے بھائی مُجھ سے وہ اُمید نا رکھ لیں جِس کے میں قابل نا ھؤں ۔۔۔۔ میرے اِس آرٹیکل کا مقصد تو صِرف معلُومات کا تبادلہ
    کرنا ھے اور سیکھی ھوئی باتوں کو آسان الفاظ میں بیان کرناتاکہ جو بھائی نئے ھیں وہ آسانی سے سمجھ سکیں میں زِیادہ پڑھا لِکھا نہیں ھوں اِ س لیے آسان زُبان

    ھی سمجھ سکتا ھوں اور اِسی لئے آسان زُبان میں ھی لِکھنے کیکوشش کی ھے ۔۔۔۔۔اِس آرٹیکل میں بہت سی باتیں ایسی ھیں جِن پر پہلے بھی بہت کُچھ لِکھا جا چُکا
    ھے لیکِن یہاں دوبارہ لِکھنے کا مقصد زِیادہ سے زِیادہ معلوماتکو ایک جگہ اِکٹھا کرنا ھے ۔۔۔۔۔۔۔۔۔۔۔۔۔ اگر کِسی کو کوئی ایسی بات اِس تحریر سے مِل جائے جو اُس
    کے لیے فائدہ مند ھو تو گُزارِش ھے کہ میرے لیے دُعا کیجیے گا ۔۔۔اور اگر کِسی بھائی کواِس آرٹیکل کی کِسی بات سے اِختلاف ھو تو میں صر ف اِتنا ھی کہوں
    گا کہ تجربہ اپنا اپنا ھوتا ھے ۔۔ اور ساتھ عرض کرتا چلوں کے اِس آرٹیکلکی سب تصاویر اور تحریریں میری ذاتی ھیں میں نے کُچھ بھی کہیں سے کاپی نہیں کیا ۔۔
    اِس لیئےکئی باتوں کی وضاحت تصاویر سے نہیں کر سکا کیو نکہ میں کوئی موادبھی کاپی نہیں کرنا چاھتا تھا ۔۔۔ اِس آرٹیکل میں میں نے جن موضوعات پر اپنے نا مُکمل
    علم کی روشنی میں بات کرنے کی کوشش کی ھے وہ یہ ھیں۔

    سائز اور جینیٹکس کے بارے میں بُنیادی معلومات ۔۔۔ پنجرے اور خوراک کے بارے میں ۔۔ جوڑے بنانا ۔۔کرسٹڈ بجریز کے بارے میں ۔۔ بریڈنگ کے بارے میں ۔۔
    بیمار بجریز کی دیکھ بھال اور عِلاج کے بارے میں ۔ اور کُچھ دواؤں کے بارے میں ۔آرٹیکل کافی لمبا ھوگیا حالانکہ میں نے مُختصر لِکھنے کی ھی کوشش کی تھی
    ۔ لیکن کوشش یہ بھی تھی کہ زیادہ سے زیادہ معلومات اُردو میں ایک جگہ اِکھٹی ھو جا ئیں آپ جِتنا پڑھ سکیں پڑھ لیں۔۔


    بُنیادی معلومات۔۔۔۔۔۔۔۔۔۔۔۔ بجریز عام طور پر دو سائزو ں میں ھوتے ھیں ایک کو ھم کامن سائز اور ایک کو ایگزیبیشن کہتے ھیں ۔۔۔۔۔۔ اور اِن کے آپس میں کِراس کرانے
    سے کُچھ درمیانے سائز بھی بن گئے ھیں جِن کو ھم کِنگ سائز بھی کہہ لیتے ھیں اور کُچھ کو ھم انڈر سائز بھی کہتے ھیں ۔۔۔۔۔ کامن سائز سے کِنگ سائز بڑا ھوتا ھے
    ۔۔ کِنگ سائز سے انڈر سائز بڑا ھوتا ھے ۔۔۔۔ اور انڈر سائز سے ایگزیبیشن بڑا ھوتا ھے ۔۔ ۔۔۔ میں کوشش کروں گا کہ مُختلِف باتوں کو تصویروں سے وضاحت کر سکوں لیکِن

    Click image for larger version. 

Name:	size.jpg 
Views:	998 
Size:	91.5 KB 
ID:	29932
    چونکہ ایک پوسٹ میں دس تصاویر سے زِیادہ نہیں لگائی جا سکتی اِس لئیے ایک تصویر میں ھی کئی کئی تصاویر لگانی پڑیں گی ۔۔۔۔۔۔ بجریز کی کئی اِقسام ھیں میں ویسے
    وضاحت کی کوشش کروں گا جیسا کہ ہمارے ھاں عام زُبان میں بولا اور سمجھا جاتا ھے ۔۔۔۔۔ جینٹکس کی معلومات ویسے تو میرے عِلم سے باہِر کی چیز ھے کیونکہ میں
    کوئی ڈاکٹر نہیں ھوں سادہ سا شوق کرتاھُوں لیکِن کوشش ھے کہ اِتنا لِکھ سکوں کہ جو میرے نئے شوقین بھائی ھیں وہ اچھے طریقے سے شوق شُروع کر سکیں ۔۔۔۔
    بجریز کی کُچھ اِقسام ڈومِیننٹ کہلاتی ھیں یعنی غالِب آنے والے ۔۔۔۔۔ ۔ اِن کی خصوصیت ھے کہ جب اِن کا جوڑا بنایا جائے تو پیدا ھونے والے بچوں کی قِسم ماں باپ میں

    سے اُسی پر چلی جاتی ھے جو ڈؤمیننٹ ورائٹی سے تعلُق رکھتا ھو ۔پھر ڈومِننٹ بھی دو طرح کے ھیں سِنگل فیکٹر اور ڈبل فیکٹر اور اُن کا رِزلٹ بھی الگ الگ ھے ۔۔ ۔۔۔
    اور بجریز کی کُچھ اِقسام ریسیسِو کہلاتی ھیں یعنی قبُول کرنے والے ۔۔۔۔۔۔ اِن کی خصوصیت یہ ھے کہ اگر اِنہیں کِسی اور ورائٹی سے جوڑا بنایا جائے تو بچے ظاہری طور پر
    اُس دوسری ورائٹی پر پیدا ھوتے ھیں لیکِن وہ اندر سے ریسیسو کا خون بھی رکھتے ھیں ہم اِنہیں ریسیسِو کا سپلِٹ کہتے ھیں یعنی اگر وہ دومیننٹ ورائٹی سے بھی ھیں تو
    بھی وہ اندر سے ریسیسو بھی ھوتے ھیں ۔۔۔۔۔۔۔۔ اور بجریز کی کُچھ اِقسام سیکس لِنکڈ کہلاتی ھیں اِن کی خصوصیات ھیں کہ جوڑا بنانے پر بچوں میں سے سب مادہ اپنے باپ
    پر جاتی ھیں زیادہ تفصیل میں جانے کے بجائے آپس میں جوڑے بنانے سے جو ممکِنا نتائج ھو سکتے ھیں میں وہ لِکھ دیتا ھوں ۔۔۔۔۔۔۔۔


    سیکس لِنکڈ کو سیکس لِنکڈ سے جوڑا بنانے پر سب بچے سیکس لِنکڈ پیدا ھونگے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔
    سیکس لِنکڈ نر کو نارمل مادہ سے جوڑا بنانے پر پیدا ھونے والے بچوں میں سب مادہ سیکس لِنکڈ ھونگی اور سب نر نارمل ھونگے لیکن وہ سب سیکس لِنکڈ کے سپلِٹ
    بھی ھو نگے ۔ سیکس لِنکڈ مادہ کو نارمل نر کے ساتھ جوڑا بنانے پر سب مادہ نارمل ھونگی اور سب نر ظاہرا نارمل ھی ھونگے لیکن سب سپلِٹ ھونگے سیکس
    لِنکڈ کے ۔۔۔۔۔۔۔۔۔۔۔۔۔سپلِٹ سیکس لِنکڈ نارمل نر کو نارمل مادہ سے لگانے سے آپکو نارمل نر جِن میں کُچھ سپلِٹ بھی ھونگے حا صل ھونگے اور کُچھ نارمل مادہ
    حاصل ھونگیں اور کُچھ سیکس لِنکڈ مادہ بھی حاصل ھونگیں ۔ ۔۔۔۔۔۔۔سپلٹ سیکس لِنکڈ نر کو سیکس لِنکڈ مادہ سے لگانے پر آپکو کُچھ سیکس لنکڈ نر حاصل ھونگے اور
    کُچھ سپلِٹ سیکس لنکڈ نر اور کُچھ سیکسلنکڈ مادہ حاصل ھونگی اور کُچھ نارمل مادہ ۔۔۔ ۔۔۔۔۔

    سنگل فیکٹر ڈومِننٹ کو سِنگل فیکٹرڈومِننٹ سے لگانے پر کُچھ نارمل بچے حاصل ھونگے اور کُچھ ڈبل فیکٹر ڈومِننٹ اور زیادہ سِنگل فیکٹر دومِننٹ بچے حاصِل ھونگے نر بھی
    مادائیں بھی ۔۔۔۔۔ سنگل فیکٹرڈومِننٹ کو نارمل سے لگا نے پر کُچھ بچے نارمل حاصل ھونگے اور کُچھ سنگل فیکٹر ڈومِننٹ بچے حاصل ھونگے نر بھی اور مادائیں بھی ۔۔۔۔۔۔
    سِنگل فیکٹر ڈومِننٹ کو ڈبل فیکٹر ڈومِننٹ سے لگانے پر کُچھ ڈبل فیکٹر ڈومِننٹ حاصل ھونگے اور کُچھ سِنگل فیکٹر ڈومِننٹ نر بھی اور مادائیں بھی ۔۔۔۔
    ڈبل فیکٹر ڈومِننٹ کو نارمل سے لگانے پر سب بچے سِنگل فیکٹر ڈومِننٹ حاصل ھونگے نر بھی اور مادائیں بھی ۔۔۔۔۔۔۔۔
    ڈبل فیکٹر ڈومِننٹ کو ڈبل فیکٹر ڈومِننٹ سے لگانے پر سب ڈبل فیکٹر ڈومِننٹ ھی حا صل ھو نگے نر بھی اور مادائیں بھی ۔۔۔۔۔۔۔۔

    ریسیسو کو ریسیسو سے لگانے پر سب بچے ریسیسو ھی پیدا ھونگے نر بھی اور مادائیں بھی ۔۔۔
    ریسیسو کو نارمل سے لگانے پر سب بچے نارمل ھی حا صل ھونگے جو سب سپلِٹ ھونگے ریسیسو کے ۔۔
    ریسیسو سپلٹ کو ریسیسو سے لگانے پر کُچھ بچے نارمل حاصل ھونگے جو سپلٹ ھونگے ریسیسو کے اور کُچھ بچے ریسیسو حاصل ھونگے نر بھی اور
    مادائیں بھی ۔۔ ریسیسو سپلٹ کو نارمل سے لگانے پر کُچھ بچے نارمل ھی حاصل ھونگے اور کُچھ بچے ھونگے تو نارمل لیکن وہ ریسیسو کے سپلٹ ھونگے ۔ یعنی
    ریسیسو نہیں نِکلے گا ۔۔۔

    ڈومیننٹ ورائٹی میں ۔گرے ۔گرین ۔ وائلٹ ۔ ڈومیننٹ پائیڈ ۔ کلیئر فلائٹ پائیڈ اور سپینگل ۔ ییلوفیس ۔کرسٹڈ ۔وغیرہ شامِل ھیں ۔۔۔۔
    ریسیسِو ورائٹی میں کلئیر وِنگ ۔ ریسیسِو پائیڈ ۔ فیلو ۔ بلیو وغیرہ شامِل ھیں ۔۔۔۔۔۔ ۔۔
    سیکس لِنکڈ ورائٹی میں اوپلائن۔ البینو ۔ کریمینو ۔ لٹینو ۔ سِنامون وغیرہ شامِل ھیں ۔۔۔۔۔۔۔

    Click image for larger version. 

Name:	rang.jpg 
Views:	637 
Size:	90.0 KB 
ID:	29933Click image for larger version. 

Name:	rang 2.jpg 
Views:	699 
Size:	93.6 KB 
ID:	29934


    ایک بات میں بتانا چاہتا ھوں وہ ذہن نشین کر لیں کہ اکثر بھائی پُوچھتے ھیں کہ کِیا ھم فلاں بجری کو فلاں سے لگا سکتے ھیں تو بھائی یاد رکھیں کہ ہر قِسم کہ بجری
    کو کِسی بھی قِسم یا سائز کے بجری سے لگایا جاسکتا ھے چاھے وہ کرسٹڈ ھوں کامن ھوں یا ایگزیبیشن ھوں ۔

    بجریز کی خوراک ۔۔۔۔۔۔۔۔۔

    بھائی کافِی تحقیق کے بعد میں نے بریڈنگ کے موسم کے لئیے اپنا مِکس دانہ تر تیب دِیا ھے میں یہ نہیں کہتا کہ یہ سب سے بہتر ھے لیکِن یہ کافِی بہتر ھے مِکس دانے
    ہمارے پرندوں کی بُنیادی خوراک ھیں اور خوراک کے طور پر زِیادہ اِستعمال اِنہیں کا ھو تا ھے ۔۔۔۔ اِس لیئے ہمارا مِکس دانہ بہتر سے بہتر ھونا چاھیے اپنے اپنے بجٹ
    کے مُطابِق ۔۔۔۔۔۔۔ میرا مِکس دانہ اِن دانوں پر مُشتمِل ھے ۔۔۔۔۔دیسی کنگنی 10 فیصد ۔ باریک کنگنی10 فیصد ۔سُرخ کنگنی10 فیصد ۔ چینا 10 فیصد ۔
    کنیری 30 سے 35 فیصد ۔ باجرا10 فیصد ۔ جوی5 فیصد۔ سُورج مُکھی 5 فیصد ۔ سرسوں 2 فیصد ۔ تِل 2 فیصد ۔ السی 2 فیصد ۔بھنگ 2 سے 4 فیصد ۔ ۔۔۔ ویسے

    یہ بہت اچھی خوراک ھے لیکِن یہ کافِی نہیں ھے ۔۔۔۔۔۔۔۔ کیونکہ دانوں میں وِٹامِنز اور منرلز کی بہت زیادہ کمی ھوتی ھے ۔۔۔۔ اکثر لوگ کہتے ھیں کہ
    بھائی پہلے صرف باجرے پر ھی برڈز رکھتے تھے تو بھی شوق تو پورا ھوتا ھی تھا بریڈنگ بھی ھوتی تھی ۔۔۔۔۔۔۔ میں اِس کے جواب میں بس اِتنا کہوں گا کہ
    اب دور بدل گیا ھے شوق کا جو لیول آج ھے وہ پہلے نہیں تھا ۔۔۔۔۔۔ یہ شوق اب بہتر سے بہتر ھوتا جا رھا ھے لوگوں میں اِس کے بارے نیا شعور پیدا ھو رھا ھے ۔۔۔۔۔۔
    اور صرف دانے پر بریڈنگ لینےکا رِزلٹ اور اچھی خوراک جو غِزائیت سے بھرپور ھو اُس پر بریڈنگ لینے کا رِزلٹ ایک جیسا نہیں ھے ۔۔۔۔ اِسکا تجربہ میں کئی

    بار کر چُکا ھوں ۔۔۔۔۔ بھائی سیدھی سی بات ھے کے جِسمانی طور پر کمزور بجری سے اچھی بریڈنگ کی اُمید نہیں کی جا سکتی ۔۔۔ اور بِنا اچھی خوراک کے پرِندے
    صحت مند نہیں رہتے ۔۔۔۔ یاد رکھیں پرندے کا صِرف موٹا ھونا صحت کی علامت نہیں ھے ۔۔۔۔۔ پرِندہ اندر سے فِٹ ھونا چاھیے اُس میں وِٹامِنز اور منرلز کی کمی نہیں
    ھونی چاھیے ۔۔۔۔ عام طور پر آپ دیکھ سکتے ھیں کہ ہم طرح طرح کی خوراک اور سبزیاں کھاتے ھیں اُن سب کی تا ثیر اور غِزائیت اللہ نے الگ الگ بنائی ھے کِسی چیز
    میں کوئی وِٹامِن زیادہ ھے اور کِسی میں کوئی ۔ اور اِتنی اقسام کی غِذائیں کھانے کے باوجود بھی ہم میں وِٹامِن اور منرلز کی کمی ھو جا تی ھے جِسے پھِر ہم مُختلِف

    سپلِمنٹس سے پُورا کرتے ھیں ۔ میں یہ عرض کرنا چاہ رھا ھوں کہ اکثر بھائی برڈز کو صِرف دانے پر ھی رکھتے ھیں ۔ جب کے دانوں میں کئی وِٹامِن اور منرلز کی
    کمی ھوتی ھے اور کُچھ ھوتے بھی ھیں تو مِقدار کم ھوتی ھے ۔ تو اگر صرف دانوں پر ھی برڈز کو رکھا جائے تو نتیجہ یہ نکلتا ھے کہ جِن وٹامنز کی دانوں میں کمی ھے
    برڈز میں بھی اُن وِٹامنز کی کمی ھو جاتی ھے ۔ جِس کا نتیجہ برڈز کی صحت کی خرابی بیماریوں کا زِیادہ حملہ قوتِ مدافعت کی کمی افزائشِ نسل میں مسائل اور پھر بچوں
    کی ناقص پرورش اور سائز نا بننا اور کئی مسائل کی صورت میں نِکلتا ھے ۔ جیسے وٹامن اے کی کمی پروں کی بے رنگی کے ساتھ ساتھ سانس کی بیماریوں کے لیئے

    بھی کُھلی دعوت ھے ۔ وِٹامن بی کی کمی فالج کے حملے کے خطرے کو بڑھانے کے ساتھ ساتھ انڈوں میں سے بچے نکلنے کی تعداد کوکم کر دیتی ھے ۔ وٹامن ڈی کی کمی
    پروں کی بے رونقی کے ساتھ ساتھ کیلشئم کی کمی کا بھی باعث بن جاتی ھے اور اِس کا نتیجہ انڈوں کے چھلکے کمزور رہنا پٹھوں کی کمزوری ہڈیوں کی کمزوری اور
    بچوں کی ٹیڑی میڑی ٹانگوں کی صورت میں نِکلتا ھے ۔ وِٹامن ای کی کمی نروں میں فرٹائلٹی کم کرنے کے ساتھ ساتھ پرندے کا توازن برقرار نا رکھ پانا اور بھی
    کئی مسائل پیدا کرتی ھے ۔ پروٹینز کی کمی بھی پروں کے رنگ پھیکے کرنے کے ساتھ ساتھ بچوں کی اچھی نشونُما اور اچھا سائز بنانے میں ناکامی کی اور دیگر مسائل کی
    وجہ بنتی ھے ۔۔۔۔ وِٹامِنز اور مِنرلز کو پُورا رکھنے کیلئیے سپلِمنٹ اپنی جگہ ھیں لیکِن اچھی خوراک بھی بہت ضروری ھے ۔۔۔۔۔۔ ایگزیبیشن اور کرسٹڈ ویسے بھی کامن
    بجریز سے کمزور ھوتے ھیں اور اُنہیں زِیادہ غِذائیت کی ضرورت ھو تی ھے ۔۔۔۔۔۔ اِس لئیے اچھا مِکس دانہ اپنی جگہ لیکِن پھل اور سبزِیاں اور کُچھ نرم غِذائیں بھی بجریز
    کی خوراک میں شامِل ھونی چاھیے ۔۔۔۔۔ کون کون سی سبزیاں اور پھل بجریز کو دِیے جا سکتے ھیں ابھی ھم اُس کے بارے میں بات کریں گے

    ۔۔۔۔۔ سبزیاں ۔۔۔۔۔۔۔۔۔۔۔۔۔۔
    بہت سی سبزیاں بجریز کو دی جا سکتی ھیں جیسا کہ ۔گاجر ۔گوبھی ۔ کدُو ۔ ٹماٹر ۔ تازہ نرم سِٹہ یا بھُٹہ ۔ پالک ۔ سلاد کے پتے ۔ دھنیا ۔ پودینا ۔ چُقندر ۔ اور مُولی وغیرہ یہ
    سب بجریز کیلئیے محفوظ اور فائدہ مند سبزیاں ھیں ۔۔۔۔۔۔ جو سبزی دالنا چاھیں اچھی طرح دھو کے ڈالیں ۔۔۔۔ یاد رھے جب بھی آپ کوئی نئی چیز بجریز کو ڈالتے
    ھیں تو وہ پہلے پہل تو اُسے کھانے میں نخرے کریں گے لیکِن جیسے جیسے آپ روٹین بنائیں گے بجریز کو بھی عادت ھو جا ئیگی اور پھر وہ ھر چیز شوق سے کھائیں گے ۔۔۔۔۔

    ۔۔۔۔۔۔۔۔۔ پھل ۔۔۔۔۔۔۔۔۔۔۔
    سبزیوں کی طرح پھل بھی بہت زیادہ تعداد میں ھیں جو دیے جا سکتے ھیں جِن میں سے چند ایک یہ ھیں ۔۔۔ سیب ۔ کیلا ۔ آم ۔ انگور ۔ مالٹا ۔ آلوبخارہ ۔ آڑو ۔ انناس ۔ امرود
    ۔اور سٹرا بری وغیرہ ۔۔۔۔ اکثر پھلوں کے بیج پرندوں کے لئیے نُقصان دہ ھوتے ھیں اِس لئیے پھل بیج نِکال کر ھی دینے چاہیئں ۔۔۔۔۔۔۔۔۔

    اِن باتوں کے باوجود ھم جانتے ھیں کہ ھم خوراک میں اُتنی محنت نہیں کرتے جِتنی ضروری ھے اِس لیئے میں اِس بات پر زور دوں گا کہ کوئی اچھا وِٹامن سپلیمنٹ بھی
    استعمال ضرور کرنا چاھیے اب کون سا استعمال کریں یہ آپ اپنے بجٹ کو دیکھتے ھوئے ھی فیصلہ کریں ۔ آپ سستے وِٹا من بھی لے سکتے ھیں جیسے وِٹالائیٹ وغیرہ
    اور اچھے وِٹامن بھی جیسے پرائم ۔ میکسی مِکس یا نیکٹون وغیرہ ۔ آپ جو بھی لیں لیں ضرور یہ ضروری سمجھیں ۔
    اور اب تو برڈز پلینٹ کی وجہ سے کافی سستی سہو لیات مِل گئیں ھیں کہ مُجھ جیسے غریب آدمی بھی پرائم اور میکسی مِکس کا مزا دے لیتے ھیں برڈز کو ۔۔ ھاھاھا ۔۔۔

    ۔۔۔۔۔۔۔۔۔۔۔۔ جوڑے بنانا ۔افزائشِ نسل ۔ مسائل اور اُن کا حل ۔۔۔۔۔۔۔۔۔۔۔۔*
    اصل شوق تو بریڈنگ پر ھی شروع ھوتا ھے ۔ میں کِسی کا نہیں جانتا لیکِن مُجھے شوق کا اصل مزا بریڈنگ کے دِنوں میں ھی آتا ھے ۔ کیونکہ میں بریڈنگ کو شوق کا
    حاصل مانتا ھوں ۔ جو بھائی شوق شروع کرنے کے بعد شوق چھوڑ*دیتے ھیں اُن کے شوق چھوڑنے کی وجوہات میں بریڈنگ نا لے پانا بھی اہم وجہ ھے ۔ لیکن مناسب
    معلومات کے بنا اچھی بریڈنگ نہیں لی جا سکتی ۔ بریڈنگ کے حوالے سے میں پہلے بھی لِکھ چُکا ھوں ۔ یہاں دوبارہ لِکھنے کا مقصد اُردو میں*زِیادہ سے زیادہ معلومات
    کو ایک جگہ اکٹھا کرنا ھے ۔۔*





    جوڑے بنانا ۔۔۔۔۔۔۔۔۔*جوڑے بناتے ھوے اِن چند باتوں کا خیال رکھیں ۔ جیسا کہ یقین کر لیں کہ آپ کے برڈز کی عُمر جوڑے بنانے لائق ھو گئی ھے عام سائز کا
    بجری چھ ماہ کا ھوکے جوڑا بنانے لائق ھو جاتا ھے ۔ اگر ایگزیبیشن ھے تو کم سے کم*
    آٹھ ماہ کا ھونے دیں ۔ بیمار پرندہ ھر گِز جوڑے میں اِستعمال نا کریں بلکہ جو بیماری سے ابھی سہی ہوا ھی ھے اُسے بھی پہلے اچھی طرح صحت مند ھونے دیں
    پھر جوڑا بنائیں ۔ اگر برڈز پروں کو جاڑ کر نئے لانے کے دور سے گزر *رھے ھیں*تو بھی اُن کا جوڑا نا بنائیں اُسکی وجہ آپ آسان لفظوں میں یہ سمجھیں کہ دوبارہ پر
    آنے کے دور میں برڈز کے جِسم کو اِضافی *نیوٹریشن کی ضرورت ھوتی ھے اور بریڈنگ کے لئیے بھی پوری نیوٹریشن کی ضرورت ھوتی ھے اگر دونوں کام*

    ایک وقت میں ھو رھے ھوں تو عام طور پر برڈز میں وِٹامنز کی کمی ھو جا تی ھے جِس کا اثر بچوں پر بُرا پڑتا ھے ۔ ایک ھی کمی والے دو برڈز کا جوڑا نا بنائیں
    نہیں تو عام طور پر وہ کمی پھر بچوں میں کافی بڑھ کے آ سکتی ھے ۔ مثال کے طور پر*ہلکی فیدرز کوالٹی والے برڈز کا آپس میں جوڑا نا بنائیں ایسے برڈز جن کے
    سپاٹس اچھے نا ھوں اُن کا آپس میں جوڑا نا بنائیں ۔ دو درمیانے سائز یعنی جن کا سائز کسی بھی وجہ سے نہیں بن سکا اُن کا بھی آپس میں جوڑا نا بنائیں ۔ اگر
    آپ کا*برڈ فرنچ مولٹ بیماری کا شِکار ھے تو بھی اُسے جوڑے میں اِستعمال نا کریں ورنہ یہ بیماری بچوں میں بھی آئے گی اور آپ کو بِنا پروں والے بچے زِیادہ

    حاصِل ھونگے ۔ جوڑے بنانے کے لئیے ہمیشہ صحت مند بجریز کا اِنتخاب کریں جو ہر*طرح سے ٹھیک ھوں ۔ اگر آپ کے بجریز میں کُچھ ہلکی کوالٹی کے بجریز
    بھی ھیں تو اُنہیں ضائع تو نہیں کِیا جا سکتا تو اِس لئے آپ اُنہیں بھی اچھے بجریز کے ساتھ جوڑے بنا کے اُن کی کمی کو دور کر سکتے ھیں۔ کرسٹڈ یا ایگزیبیشن کو*
    اپنا اِنتخاب خود نا کرنے دیں بلکہ اپنے عِلم کے مُطابِق اُن کے جوڑے خود اپنے اِنتخاب سے بنائیں تاکہ اُن کی کوالٹی میں بہتری لائی جا سکے ۔ اکثر ایسا ھوا ھے
    کہ مُجھ سے بھائی پوچھتے ھیں کہ ھم نے سب پرندے اکٹھے بڑے پِنجرے میں*چھوڑے ھوے تھے تو فلاں نر فلاں مادی کے ساتھ لگ گیا ھے تو کیا وہ جوڑا

    بنا رہنے دوں یا توڑ دوں تو میرا کہنا یہی ھے کہ اگر وہ جوڑا آپ کے عِلم میں ھر طرح سے ٹھیک بنا ھے تو ٹھیک ھے ورنہ توڑ دیں یہی ٹھیک رھے گا
    ۔ کرسٹڈ کے بارے*میں تو میں آگے تفصیل سے لِکھوں گا ایگریبیشن کے بارے میں کُچھ باتیں عرض کرتا چلوں ۔ ایگزیبیشن کو کبھی نارمل سائز سے نا لگائیں اکثر
    بھائیوں کو شوق ھوتا ھے نئے نئے تجربے کرنے کا کہ اِس کو اُس سے لگا*کے دیکھتے ھیں کیا نکلتا ھے ۔ تو بھائی اِن تحریروں کا مقصد یہی ھے کہ آپ اقت ضائع کیے
    بغیر ھی جان جائیں کہ *کیا کرنا بہتر ھے اور کِیا *کرنا وقت کا ضیاع ۔۔ کنگ سائز انڈر سائز یا کامن سائز اِنہیں ایگزیبیشن سے لگانے میں کوئی بہتری نہیں*
    آئے گی اگر آپ کنگ سائز کو زہن میں رکھیں تو اُسے ایگزیبیشن سے لگانے پر اُسکا سائز تو بڑے گا لیکن ایگزیبیشن کو ذہن میں رکھیں تو اُسکا سائز تو چھوٹا ھوتا جا ئے گا ۔

    اگر آپ کرسٹڈ کا سائز بڑھانا چاھتے ھیں تو پھِر ایگزیبیشن کو*استعمال کریں ورنہ ایگزیبیشن کو ایگزیبیشن سے ھی لگائیں ۔ یہاں بھی اُسی بات کا خیال رکھیں کہ دو ایک
    جیسی کمی والے برڈز کا آپس میں جوڑا نا بنائیں ۔ ھر کلچ کے سب بچے ایک ھی کوالٹی کے نہیں ھوتے کُچھ کی کوالٹی بہت اچھی ھوتی*ھے اور کُچھ کی نارمل
    ۔ لیکن میں نے دیکھا ھے کہ جن بچوں کے والدین میں سے کوئی برڈ اچھی کوالٹی کا تھا تو وہ بچے اگر خود اچھی کوالٹی کے نہیں بھی ھیں تو اکثر وہ اچھی کوالٹی کے برڈز
    بھی نِکالتے ھیں ۔ اِس لئیے میں یہ نہیں کہتا کہ آپ*نارمل کوالٹی کے برڈز جوڑوں میں استعمال ھی نا کریں ۔ میں خود نارمل کوالٹی کو اچھی کوالٹی سے جوڑا بناتا رہتا ھوں ۔*

    ۔۔۔۔۔۔۔۔۔۔۔۔۔۔۔۔ کرسٹڈ بجریز ۔۔۔۔۔۔۔
    یہاں کُچھ بھی لِکھنے سے پہلے ایک مِثال لِکھنا چاہتا ہوں جو حر ف با حرف تو مُجھے یاد نہیں کیونکہ بچپن میں نے کہیں پڑھی تھی لیکِن اِتنی یاد ھے کہ میرا مقصد
    پورا ھو سکے ۔۔۔۔ تین آدمی جنہوں نے ھاتھی کو کبھی دیکھا نہیں ھوتا اور نا ھی کبھی ھاتھی کے بارے میں کُچھ سُنا ھوتا ھے ۔۔۔۔ اُنہیں ایک ہال میں بھیج دِیا جا تا ھے یہ کہہ
    کے کہ اِس ہال میں ایک ھاتھی ھے باہر آکے بتانا کہ وہ کیسا ھے ۔۔۔ اب وہ آدمی جب ہال میں داخِل ھوئے تو ہال میں بِالکُل اندھیرا تھا اُنہیں کُچھ نظر نہیں آرھا تھا تو
    اُن میں سے کوئی بیٹھ کر اور کوئی کھڑے ھو کر ھاتھوں سے ھی ٹٹولتے ھوے ھاتھی کو ڈھونڈنے لگے ۔۔ بالاخِر وہ ھاتھی تک پہنچ گئے اور ھاتھوں سے ھی ٹٹولنے لگے

    کیونکہ نظر تو کُچھ آ نہیں رھا تھا ۔۔ تو کِسی کے ھاتھ میں ھاتھی کی سُونڈ آگئی اور کوئی بیچارہ اُسکے پیٹ سے جا ٹکرایا اور جو بیچارہ بیٹھا تھا اُسکے ھاتھ میں ھاتھی
    کا پاؤں آگیا ۔۔۔۔ جب وہ باہِر آئے تو اُن سے پوچھا گیا کہ ھاتھی کیسا تھا تو جو پیٹ سے ٹکرایا تھا وہ کہنے لگا کہ ھاتھی تو دیوار جیسا ھے جِسکے ھاتھ سُو نڈ آگئی
    تھی وہ کہنے لگا نہیں نہیں یہ جھوٹ بول رھا ھے ھاتھی تو ایک موٹے سانپ یا اژدھا جیسا ھے ۔ جِسکے ھاتھ میں پاؤں آیا تھا وہ بولا کہ یہ دونوں ھی جھوٹ بول
    رھے ھیں ھاتھی تو ایک کھمبے جیسا ھے ۔۔۔ وہ تینوں ھی ایک دوسرے کو جھوٹا قرار دے رھے تھے لیکِن تینوں ھی اپنی اپنی دانِست میں سچ بول رھے تھے ۔۔۔۔ تو بھائی
    میری اِس مِثال کا مقصد تو شائد آپ سمجھ ھی گئے ھونگے کہ یہ شوق ایک ھاتھی ھے اور ھم سب اِسے اندھیرے میں ٹٹولنے آگئے ھیں ۔۔۔۔ بہر حال بات لمبی ھو گئی ھم
    اپنے مو ضوع پر آتے ھیں ۔۔۔۔۔

    کرسٹڈ بجریز کو سمجھنا بہت مُشکِل کا م ھے ۔۔۔۔ بجری کی کوئی بھی قِسم ھے اگر وہ خالِص ھے تو کِسی حد تک جانا جا سکتا ھے کہ اِن کا رِزلٹ کیا ھو گا ۔۔۔ لیکِن کرسٹ
    جین تھوڑا اُلجھا دیتا ھے اور کئی دفعہ اندازے غلط ثابت ھو تے ھیں ۔۔۔ میراعِلم آٹے میں نمک کے برابر بھی نہیں ھے بس جو سرچ اور تجربات کیے ھیں وہ آپکی نذر کر رھا
    ھوں میرے پاس اللہ کے کرم سے پچاس کے آگے پیچھے کرسٹڈجوڑے لگے رہتے ھیں بریڈنگ کے موسم میں ۔۔تو جو نتائج دیکھے ھیں اُنکی روشنی میں لِکھنے
    کی کوشش کی ھے ۔۔۔ بجریز میں ایک تبدیلی جِس میں بجری کے پروں میں سے کُچھ پر خاص طور پر سر کے پروں میں سے کُچھ پر مُخالِف سِمت میں نِکلے ھوں اُن

    بجریز کو کرسٹڈ بجریز کہا جا تا ھے ۔۔ کرسٹ جین ویسے تو ڈومِننٹ ھے لیکِن یہ تھوڑا اُلجھا ھوا ھے یہ ویسا ڈومِننٹ نہیں ھے جیسا کہ گرے یا پائیڈ وغیرہ ھوتے ھیں ۔۔ ایک
    ھی جین ھے جِس سے اُن تمام اِقسام کے کرسٹ بنتے ھیں جِن کا ذِکر آگے آنے والا ھے ۔۔۔ کرسٹڈ بجریز ویسے تو بُنیادی طور پر تین قِسم کے ھوتے ھیں ۔ سر کے
    اگلے حصے پر ایک دو پروں کا مُخالِف سِمت میں نِکلنا جِن کو ٹفٹڈ کہتے ھیں ۔آدھے سر کا کرسٹ جِن کو ھم ہا لف کرسٹڈ کہتے ھیں ۔ اور پورے سر کا کرسٹ جِس میں بعض
    اوقات پر آنکھوں تک آ جا تے ھیں اِسے ھم فُل سرکل کرسٹڈ یا راؤنڈ کرسٹڈ بھی کہتے ھیں ۔۔۔ میں اِن اِقسام میں ایک قِسم کا اور اِضافہ کرنا چاھوں گا جِسے میں کرسٹڈ

    بجریز میں ھی شُمار کرتا ھوں ۔۔وہ ھیں نا نظر آنے والا کرسٹ یعنی ایسے کرسٹ جین رکھنے والے بجریز جِن کا کرسٹ نظر نا آتا ھو جِسے ھم عام زُبان میں سپلِٹ کہتے ھیں
    ۔۔ باقی جو نام آپ اپنے اِرد گِرد سُنتے ھیں وہ اِنہیں اِقسام کی مُختلِف شکلیں ھیں ۔۔۔ جیسے ڈبل ٹفٹڈ۔ڈبل کرسٹڈ۔امبریلا کرسٹڈ وغیرہ ۔۔۔ پورے سر کے کرسٹڈ کی ایک حالت
    یہ بھی ھے جِس میں پروں کا مُخا لِف سِمت میں نِکلنا گردن سے نیچے تک آ جا تا ھے جِسے ھم بیک فرِل کہتے ھیں ۔۔ مذکورہ اِقسام کے کرسٹڈ بجریز میں سے
    ہر ایک قِسم سبھی اِقسام کے کرسٹڈ بنا سکتی ھے ۔۔۔ یعنی ایک ٹفٹڈ برڈ بھی راؤنڈ کرسٹ یا فرِل بیک بھی نِکال سکتا ھے ۔ میں تو ایک کم عِلم طالبِ علم ھوں جینیٹکس کا زِیادہ
    عِلم نہیں رکھتا لیکن جو جانتا ھوں وہ لِکھنے کی کو شش کر رھا ھوں ۔۔۔ میں یہاں بات کرنا چاہ رھا تھا سِنگل فیکٹر اور ڈبل فیکٹر کرسٹڈ بجریز کی ۔۔۔ میں آسان زُبان میں

    بات کرتا ھوں ۔۔۔ سِنگل فیکٹر کرسٹڈ میں کرسٹ جین بھی ھوتا ھے اور نارمل جین بھی ۔۔۔۔ اور ڈبل فیکٹر کرسٹڈ میں دو کرسٹ جین ھوتے ھیں کیونکہ اُسے
    ماں اور باپ دونوں سے کرسٹ جین مِلا ھوتا ھے ۔۔۔ لیکِن ایسا نہیں کہ اگر آپ نے دو کرسٹڈ بجریز کا جوڑا بنایا ھے تو پیدا ھونے والے تمام بچے ڈبل فیکٹر کرسٹڈ ھی
    ھونگے ۔۔ ھاں البتہ اُن میں سے کُچھ ڈبل فیکٹر بھی ھونگے ۔۔۔ میں بتا تا چلوں کہ سِنگل فیکٹر اور ڈبل فیکٹرکرسٹڈ کا پتا برڈ کو دیکھ کر نہیں لگتا کیونکہ تینوں طرح کے
    کرسٹ یعنی ٹفٹڈ ھالف کرسٹڈ اور راؤنڈ کرسٹڈ سِنگل فیکٹر بھی ھو سکتے ھیں اور ڈبل فیکٹر بھی ۔۔۔ لیکِن ھاں سپلِٹ ھمیشہ سِنگل فیکٹر ھوتا ھے وہ ڈبل فیکٹر نہیں
    ھو تا ۔۔ لیکِن عام طور پر ڈبل فیکٹر زِیادہ بھرپور کرسٹڈ ھوتے ھیں بعض اوقات اُن کے سر پر دو ،دو تین ،تین کرسٹ بھی ھوتے ھیں اِس سے بھی ھم کِسی

    حد تک تو اُن کے ڈبل فیکٹر ھونے کا اندازہ تو کر سکتے ھیں لیکِن یقینی نہیں ۔۔۔ اب میں بات کروں گا کہ کیوں دو کرسٹڈ بجریز کا جوڑا بنانے پر بھی سب بچے ڈبل فیکٹر
    ھی حا صِل ھونا ضروری نہیں ھے ۔۔۔ ھوتا یہ ھے کہ اگر ھمیں نہیں پتا کہ ھمارے برڈ سِنگل فیکٹر کرسٹڈ ھیں یا
    ڈبل فیکٹر اور ھم نے اپنے اندازے سے دو کرسٹڈ برڈز کا جوڑا بنا دِیا ۔۔ اب اگر وہ سِنگل فیکٹر تھے تو اُن میں کرسٹ جین کے ساتھ ساتھ نارمل جین بھی ھوتا ھے ۔۔۔ تو جب
    بچے نِکلتے ھیں تو کِسی بچے میں تو ماں اور باپ دونوں کی طرف سے کرسٹ جین آجاتا ھے وہ ڈبل فیکٹر ھے اور کِسی بچے میں ماں اور باپ میں
    سے کِسی ایک کی طرف سے تو کرسٹ جین آجاتا ھے اور دوسرے کی طرف سے نارمل جین وہ سِنگل فیکٹر ھے ۔ اور ایسا بھی ھوتا ھے کہ ماں اور باپ دونوں کی

    Click image for larger version. 

Name:	crested copy.jpg 
Views:	667 
Size:	91.2 KB 
ID:	29935Click image for larger version. 

Name:	crested 2 copy.jpg 
Views:	660 
Size:	92.5 KB 
ID:	29936Click image for larger version. 

Name:	crested 3.jpg 
Views:	559 
Size:	96.2 KB 
ID:	29937

    طرف سے نارمل جین ھی آجاتا ھے تو وہ بچہ نارمل ھی ھوتا ھے ۔ وہ پیدا تو کرسٹڈ برڈز سے ھی ھوا ھے لیکِن وہ نارمل ھی ھوتا ھے اُسے کرسٹ کا سپلِٹ بھی نہیں
    کہا جا سکتا ۔۔ کرسٹ سپلِٹ تو وہ بچہ ھے جِس میں ماں یا باپ کِسی ایک طرف سے تو کرسٹ جین آیا ھے جیسا کہ میں نے پہلے عرض کی کہ سپلِٹ بھی سِنگل
    فیکٹر ھوتے ھیں بس اُن کا کرسٹ ظاہر میں نہیں ھوتا ۔۔ سپلِٹ کو کِسی اچھے کرسٹڈ کے ساتھ لگانے کا رِزلٹ ٹفٹڈ یا سِنگل کرسٹڈ کے قریب قریب ھی
    ھوتا ھے ۔۔۔ میرے پاس خود سپلِٹ کو اچھے کرسٹڈ کے ساتھ لگانے کا رِزلٹ بعض دفعہ سو فیصد کرسٹڈ بچے بھی مِلا ھے ۔۔ عام طور پر اندازے لگائے جاتے ھیں
    کہ سِنگل فیکٹر کہ سِنگل فیکٹر سے جو ڑا بنانے پر پچیس فیصد ڈبل فیکٹر اور پچیس فیصد نارمل اور پچاس فیصد سِنگل فیکٹر حاصل ھونگے ۔۔۔ اور ڈبل فیکٹر

    اور سِنگل فیکٹر کا جوڑا بنانے پر پچاس فیصد سِنگل فیکٹر اور پچاس فیصد ڈبل فیکٹر حاصِل ھونگے ۔۔ اور ڈبل فیکٹر اور ڈبل فیکٹر کا جوڑا بنانے پر تمام بچے
    ڈبل فیکٹر کرسٹڈ حاصِل ھونگے ۔۔۔ اور اگر ڈبل فیکٹر کو نارمل سے لگایا جائے تو تمام بچے سِنگل فیکٹر ھی حاصِل ھونگے جِن میں سے کُچھ نظر آنے والا کرسٹ لئیے ھوئے
    ھونگے اور کُچھ چُھپا ھوا کرسٹ یعنی سپلِٹ ھونگے نارمل کوئی نہیں ھوگا ۔۔۔ اور اگر سِنگل فیکٹر کو نارمل سے لگایا جائے تو صِرف پچیس فیصد سِنگل فیکٹر اور پِچھتر فیصد
    نارمل ھی حاصِل ھونگے ۔۔ لیکِن میں یہاں عرض کرنا چاھوں گا کہ یہ اندازے صِرف مُمکِنا ھوتے ھیں لازمی نہیں ھوتے ۔۔ ڈبل فیکٹر سے ڈبل فیکٹر کا جو رِزلٹ میں نے
    لِکھا ھے وہ لازِم ھے ۔ڈبل فیکٹر سے نارمل کا رِزلٹ جو مین نے لِکھا ھے وہ لازِم ھے ۔ لیکِن سِنگل فیکٹر سے سِنگل فیکٹر لگانے پر پچیس فیصد ھی ڈبل فیکٹر نِکلیں گے

    یہ وہ اندازہ ھے جو مُمکنا ھے لازِم نہیں ۔ کیونکہ برڈز میں ایسا کوئی سسٹم نہیں ھے جو یہ حد بندی کرے کہ پچیس فیصد بچوں سے زِیادہ بچوں میں ماں اور باپ دونوں کی
    طرف سے کرسٹ جین نہیں جانے دینا کہ وہ ڈبل فیکٹر ھو جائیں ۔۔ یہ تو اللہ کی مرضی ھے کہ پچیس فیصد سے زِیادہ بچوں میں کرسٹ جین دونوں طرف سے آجائے یا سب
    بچے سِنگل فیکٹر ھی آ جا ئیں ۔۔۔ کرسٹ جین کِیا عمل کرے گا یہ یقینی نہیں کہا جا سکتا اور کِس ٹائپ کے کرسٹڈ برڈز بنائے گا نہیں کہا جا سکتا ۔۔۔۔ کبھی کبھی آپ کے
    دونوں کرسٹڈ برڈز سب بچے سپلِٹ بھی نِکال سکتے ھیں ۔۔۔ اور کبھی کبھی ہلکے سے نظر آنے والے کرسٹڈ برڈز کا رِزلٹ حیران کُن بھی ھو سکتا ھے ۔۔ میں آپ کو اپنے
    برڈز کی ایک مِثال دیتا ھوں ۔۔ میرے دو باِلکُل نارمل سے ٹفٹڈ برڈز جو میں نے ایگزیبیشن اور کرسٹڈ کا کِراس کرواکے نِکالے تھے وہ ایگزیبیشن سائز کے تو نہیں بنے لیکِن وہ

    اچھے کِنگ سائز تھے ۔ جب میں نے اُن کا جوڑا بنایا تو پہلے کلچ میں صِرف ایک بچہ ھی حاصِل ھوا جو کِنگ سائز میں ٹفٹڈ تھا ۔ خیر پہلا کلچ تھا میں نے صبر کِیا ۔۔
    دوسرے کلچ میں چار بچے حاصِل ھوئے جِن میں سے ایک تو ٹفٹڈ ھی تھا اور ایک سپیشل سپلِٹ اور دو بچے بہت ھی اچھے فرل بیک نِکلے جو اچھے سائز میں تھے ۔۔ پھِر
    میں نے تیسرے کلچ کا اِنتظار کِیا اور تیسرے کلچ میں چار بچے مِلے جِن میں سے تین ٹفٹڈ تھے اور ایک سپیشل سپلِٹ ۔۔ اور ایسی بے شُمار مِثالیں ھیں جِن سے ثابِت ھوتا ھے
    کہ ھم اندازہ تو کر سکتے ھیں کہ کِیا رِزلٹ ھو گا لیکِن یقینی کُچھ نہیں کہہ سکتے ۔۔ جوڑے کیسے بنائیں ۔۔۔۔۔۔۔۔ اِس سوال کا جواب یہ ھے کہ ھم رِزلٹ کیسا چاھتے
    ھیں ۔۔ کِیا ھم یہ چاھتے ھیں کہ زِیادہ بچے کرسٹڈ ھی نِکلیں یا ھم یہ چاھتے ھیں کہ سائز اچھا بنے ۔ کیونکہ بھائی ھم جو چاھتے ھیں اُسی کے مُطابِق جوڑے بنانے ھونگے ۔۔

    ویسے تو اللہ کی مرضی ھے کہ وہ کِیا عطا کرے لیکِن اچھے اِنتخاب کے ذریعے مطلوبہ رِزلٹ کی کوشش کر سکتے ھیں اور اللہ عطا کرنے والا ھے ۔۔۔ میں یہاں اپنے
    عِلم اور تجربے کے مُطابِق بات کروں گا جو بیشک قانُون نہیں ھے بس میں نے جو دیکھا ھے وہ لِکھ رھا ھوں ۔۔۔۔۔ کرسٹ جین برڈز کو کمزور کرتا ھے اور
    یہ سائز اچھا بننے میں بھی رُکاوٹ ھے ۔ مطلب اگر کرسٹ جین زَیادہ مضبوط ھے تو قُوی اِمکان ھے کہ برڈ کا سائز چھوٹا رہ جائے گا ۔۔ یہ بات سو فیصد تو نہیں ھے
    لیکِن میرا ماننا ھے کہ نوے فیصد ایسا ھی ھوگا ۔۔ اور یہ بات آپ عام طور پر دیکھ سکتے ھیں کہ ایک ھی کلچ سے نِکلے ھُوے بچوں میں سے جو سپلِٹ ھوتے ھیں
    وہ اُسی کلچ میں نِکلے ھوے کرسٹڈ بچوں سے اچھا سائز بنا لیتے ھیں ۔۔ اِس لیئے کرسٹڈ بجریز میں سائز اور کوالِٹی بڑھانا اِتنا بھی آسان نہیں ھے جِتنا کہ کئی بھائیوں

    نے سمجھ لِیا ھے ۔۔ اگر آپ دو اچھے کرسٹڈ برڈز کا جوڑا بناتے ھیں تو آپ کو زِیادہ تعداد میں کرسٹڈ ھی حاصِل ھونگے بلکہ اکثر تو رِزلٹ سو فیصد کرسٹڈ برڈز بھی ھوگا
    ۔۔۔ لیکِن مُشکِل ھے کہ سائز میں بہتری آئے ۔۔ میں یہ سمجھتا ھوں کہ اگر آپ چاھیں کہ کرسٹڈ برڈز زِیادہ حا صِل ھوں اور سائز میں بھی کمی نا آئے تو ایک اچھے کرسٹڈ یعنی
    راؤنڈ کرسٹ یا ڈبل کرسٹ کے ساتھ نارمل سے کرسٹ کا برڈ لگائیں یعنی ٹفٹڈ وغیرہ ۔۔دو ھالف کرسٹڈ برڈز بھی اچھا رِزلٹ دیتے ھیں ۔۔ اب بات کرتا ھوں سائز یا کوالَٹی
    بڑھانے کی تو بھائی یہ ایک چیلِنج ھے کوئی آسان کام نہیں ھے ۔ یا آپ چالیس سے پچاس ھزار کا اچھا کرسٹڈ جوڑا لے لیں یا پھِر تھوڑے صبر سے کام لیتے ھوئے
    ویسے ھی برڈذ خود بنا لیں ۔۔ میں آپ سے کہتا ھوں کہ یہ مُمکِن ھے بس صبر اور وقت چاھیے ۔ اچھے سائز کے کرسٹڈ حاصِل کرنے کے لِیئے جِس قِسم کا جوڑا بہترین

    اِنتخا ب ھے وہ ھے اچھے کرسٹڈ برڈ کے ساتھ اچھے سائز اور ایگزیبیشن کی خصوصیات والا سپلِٹ لگانا ۔۔ لیکِن چونکہ سپلِٹ آپ کے پاس نہیں ھیں تو پہلے اچھے سائز میں
    سپلِٹ بنانے ھونگے ۔ میں خُود بھی ایگزیبیشن سا ئز کے کرسٹڈ سپلِٹ بنانے میں مصروف ھوں ۔۔ کیونکہ اچھے سائز کے سپلِٹ ھی سیڑی ھیں اچھے سائز کے کرسٹڈ برڈز
    حاصِل کرنے کے لیئے ۔ یہاں میں آپکو ایک بات سمجھانا چاھتا ھوں کہ ایک اچھا ایگزیبیشن بجری عام بجری سے سائز میں تو بڑا ھوتا ھی ھے اُسکے فیدرز یعنی اُسکے پروں
    کی لمبائی بھی عام بجری سے زِیادہ ھوتی ھے اُس کے سپاٹس کا سائز اور تعداد بھی عام بجری سے زِیادہ ھوتا ھے ۔ ایگزیبیشن کے سر کے پروں کی لمبائی زِیادہ
    ھوتی ھے ۔۔ اِن خصوصیات کو آپ جیسے جیسے کرسٹڈ میں لاتے جائیں گے کرسٹڈ کی کوالٹی بہتر ھوتی جا ئے گی ۔۔ ایک بات سمجھیں وہ یہ کہ جیسا کہ میں نے لِکھا کہ

    سر کے کُچھ پروں کے مُخالِف سِمت میں نِکلنے سے کرسٹ بنتا ھے اب اگر پرِندے کے سر کے پروں کی لمبائی زِیادہ ھے تو جب کرسٹ جین کی وجہ سے وہ مُخالِف سِمت میں
    نِکلیں گے تو کرسٹ کافی بڑے سائز کا ھوگا کیونکہ پروں کی لمبائی زِیادہ ھے ۔۔ایگزیبیشن برڈ کے پر گھنے ھوتے ھیں اگر آپ اِنہیں خصوصیات کو کرسٹڈ میں لے آئیں گے تو
    آپ کے کرسٹڈ بہت اچھی کوالٹی کے ھو جائیں گے ۔۔ اِسکے لئیے آپ اچھے کرسٹڈ برڈز کا اِنتخاب کریں میرے نزدیک دو سے تین جوڑے اِس مقصد کے لئیے بنائیں۔ ایسے دو
    یا تین کرسٹڈ برڈز جو ڈبل فیکٹر کرسٹڈ ھوں اور اگر آپ کو نہیں پتا کہ برڈز ڈبل فیکٹر ھیں کہ نہیں تو ایسے کرسٹڈ برڈز لیں جو ڈبل کرسٹڈ یا بہت اچھے راؤنڈ کرسٹ کے ھوں
    ۔ اُنہیں آپ اچھی کوالٹی کے ایگزیبیشن جِن کا سائز اور پروں کی لمبائی اور کوالٹی اچھی ھو کے ساتھ لگا دیں ۔۔۔۔ اگر کرسٹڈ برڈز اچھے کرسٹڈ تھے تو اُمید کی جا سکتی

    ھے کہ جوڑے کُچھ ٹفٹڈ بچے بھی نِکالیں گے ۔۔۔۔ آپ اُن ٹفٹڈ برڈز کو آپس میں لگا دیں تو بھی آپ کو اچھے سائز کے کُچھ کرسٹڈ حاصِل ھو جا ئیں گے ۔۔۔ اور اگر
    ٹفٹڈ نہیں بھی مِلتے تو سپلِٹ تو مل ھی جائیں گے ۔۔۔ اگر آپ کا کرسٹڈ ڈبل فیکٹر تھا تو سو فیصد ھے کے اگر کوئی ٹفٹڈ نہیں بھی نِکلا تو بھی سب برڈز سپلِت ضرور
    ھونگے ۔۔۔۔ لیکِن اگر آپ کا برڈ سِنگل کرسٹڈ تھا تو سپلِٹ کے ساتھ ساتھ نارمل بھی مِلیں گے جِن کا دیکھنے میں تو پتا نہیں چل سکتا جوڑا بنانے کے بعد ھی پتا چلتا ھے ۔۔۔۔
    یہاں میں ایک اور بات بتانا چاھتا ھوں وہ ھے سپیشل سپلِٹ کرسٹڈ کے مُتعلِق ۔۔۔۔ جب آپ ایسے جوڑے بنائیں تو نِکلنے والے بچوں پر نظر رکھیں جب وہ سولہ سے
    اٹھارہ دِن کے ھو جائیں تو اُن کے سر پر غور کریں اکثر ایسا ھوتا ھے کہ کوئی ایک بچہ اپنا کرسٹ ظاہر تو کرتا ھے لیکِن اِتنا کم کے نظر نا آئے ۔۔ تو جب آپ سولہ

    سے اٹھارہ دِن کے ایسے بچے کو دیکھیں گے تو اُس کے سے کے پروں میں جو ابھی نِکلے نہیں بس نوکیں ھی با ہر آئیں ھیں اُن میں کوئی ایک پر مُخالِف سِمت
    میں نِکلا ھوگا لیکِن وہ اکثر اِتنا ھلکا سا ھوتا ھے کہ پورے پر نِکلنے کے بعد آپ کو نظر نہیں آئے گا ۔۔۔ اگر کوئی ایسا بچہ بھی نِکلتا ھے تو سمجھیں ایک کرسٹڈ بچہ
    ھی نِکل آیا ھے اُس کے بارے میں شک نہیں ھوتا کہ اِس میں کرسٹ جین ھے کہ نہیں ۔۔۔۔ میں ایسے برڈ کو سپیشل سپلِٹ کہتا ھوں ۔۔۔ اور ایسا برڈ میں سیل بھی نہیں
    کرتا کیونکہ وہ دیکھنے میں تو سپلِٹ ھی لگتا ھے لیکِن اصل میں وہ ٹفٹڈ ھے ۔۔۔۔ تو حاصِل ھونے والے ٹفٹڈ برڈز کو آپس میں لگاتے جائیں اور سپلِٹ کو دوبارہ کرسٹڈ
    سے لگاتے جائیں ۔۔۔ تو سمجھیں ھر بار آپ بچوں کے سائز اور کوالٹی میں بہتری محسوس کریں گے ۔۔۔۔ یہ کام صبر آزما تو ھے لیکِن بھائی صبر تو اِس

    شوق میں لازمی چیز ھے ۔۔۔۔۔ کبھی بھی سپلِٹ برڈ کو سپلِٹ کے ساتھ نا لگائیں وقت ضائع ھوگا ۔۔۔۔ یہاں میں ایک اور بات عرض کرنا چاھوں گا کہ اکثر بھائی پوچھتے
    ھیں کہ کرسٹڈ کو فلاں بجری سےلگانے کا کِیا رِزلٹ ھوگا تو یہاں میں عرض کرتا چلوں کہ کرسٹ جین ہر قِسم کے بجری پر سو فیصد تو نہیں لیکِن کم و بیش ایک جیسا
    ھی اثر کرتا ھے ۔۔ یہاں میں ایک اور بات بھی بتاتا ھوں ریڈ آئز کرسٹڈ بجریز کیسے بنا سکتے ھیں ۔۔ فیلو اور لٹینو البینو الگ الگ اقسام ھیں
    تھوڑے سے فرق کے ساتھ قریب قریب ایک ھی طریقہ سے آپ فیلو یا لٹینو البینو کرسٹڈ بجریز بناسکتے ھیں ۔۔ میں یہاں بات لٹینو البینو کرسٹڈ بجریز کی کرتا ھوں ۔۔ آپ اِس مقصد
    کے لئیے دو سے تین جوڑے بنائیں ۔۔ اگر آپ ڈبل فیکٹر کرسٹڈ مادہ کو ریڈ آئز بجری نر سے لگاتے ھیں تو سب بچوں میں کرسٹ جین آجا ئے گا اُن میں

    سے کُچھ ظاہرا کرسٹڈ بھی مِلنے کا چانس ھے اور سپلِٹ تو بہرحال ملیں گے ھی ۔۔۔ اب چونکہ نر ریڈ آئز ھے تو بچوں میں سے سب مادہ ریڈ آئز
    ھونگی اور سب نر ریڈ آئز کے سپلِٹ ھونگے ۔۔ ایسا بھی ھو سکتا ھے کہ جو مادہ ریڈ آئز نِکلی ھیں اُن میں سے کُچھ ٹفٹڈ بھی ھوں اور اگر نا بھی ھوں تو بھی
    کوئی بات نہیں ۔۔ آپ تینوں جو ڑوں سے نِکلنے والے بچوں میں سے جو ٹفٹڈ ھوں اُن کے آپس میں جوڑے بناتے جائیں ۔۔ جب آپ اُن بچوں میں سے ٹفٹڈ یا کرسٹڈ نر کو
    بلیک آئز ٹفٹڈ یا کرسٹڈ مادہ سے لگائیں گے تو آپ کو کرسٹڈ بچے حاصِل ھونگے جِن میں ریڈآئز کرسٹڈ مادہ بھی نِکلے گی اگر ایک کلچ میں نا نِکلیں تو پریشان
    نا ھوں دوسرے میں نِکل آئیں گی ۔۔ اِس قِسم کے جوڑے سے آپ کو کرسٹڈ ریڈ آئز مادہ تو مِل سکتی ھے لیکِن ریڈ آئز کرسٹڈ نر نہیں مِل سکتا ۔۔۔ جب آپ اِن جوڑوں

    سے نِکلے ھوے کرسٹڈ یا ٹفٹڈ نر کے ساتھ اِن جوڑوں سے نِکلی ھوئی ریڈ آئز کرسٹڈ یا ٹفٹڈ مادہ لگائیں گے تو آپ کو ریڈ آئز کرسٹڈ نر۔ ریڈ آئز کرسٹڈ سپلِٹ نر۔ ریڈ آئزکرسٹڈ مادہ ۔
    اور کرسٹڈ سپلِٹ مادہ اور بلیک آئز کرسٹڈ مادہ وغیرہ حاصِل ھونگی ۔۔ دوسری سے تیسری نسل تک جاتے جاتے آپ کے پاس کرسٹڈ ریڈ آئز نر اور کرسٹڈ
    ریڈ آئز مادہ دونوں نِکل رھے ھونگے ۔ اِنشا اللہ ۔۔۔ اب ایک با ت کی اور وضاحت کرتا چلوں کہ ریڈ آئز چاھے وہ لٹینو البینو ھوں یا فیلو یہ اِقسام پہلے سے ھی کمزور

    ھوتی ھیں اور میں پہلے بھی لِکھ چُکا ھوں کہ کرسٹ جین بھی برڈ کو کمزور کرتا ھے تو اِس لئیے ریڈ آئز کرسٹڈ مزید کمزور ھوتے ھیں ۔۔۔ اِس لئیے میرا مشورا
    ھے کہ ریڈ آئز کرسٹڈ لینے کے لیئے ایسے کرسٹڈ برڈز کا اِنتخاب کریں جو ریڈ آئز کے سپلِٹ ھوں ۔۔ سپلِٹ برڈز سے نِکلے ھوئے ریڈ آئز کرسٹڈ زِیادہ مضبوط ھوتے ھیں
    با نِسبت اُن ریڈ آئز کرسٹڈ کے جِن کے ماں اور باپ دونوں ریڈ آئز ھوں ۔۔۔ میں اِس موضوع کو پُورا نہیں کر سکتا لیکِن کوشش کی ھے کہ کِسی حد تک سیکھی ھوئی باتیں
    یہاں بیان کر سکوں ۔۔۔ تاکہ جو بھائی بالکُل ھی نہیں جانتے وہ کُچھ نا کُچھ تو جا ن جائیں ۔۔

    پنجرے کا مُناسب بندوبست ۔۔۔۔

    ایگزیبیشن اور کرسٹڈ کو لازمی الگ الگ خانہ دیں ۔ خانہ کا سائز کم سے کم اٹھارہ ضرب اٹھارہ ضرب چوبیس ھونا چاھیے ۔ بڑا بھی رکھ سکتے ھیں میں نے تو کم سے کم لِکھا
    ھے۔ باکس بہت بہتر ھے باہر والی طرف ھی لگائیں اِس سے آپ کو آسانی ھو جائگی یہ جاننے میں کہ باکس میں کیا ھورھا ھے اور آپ انڈوں اور بچوں کی بھی آسانی سے
    دیکھ بھال کر سکیں گے ۔ باکس کا سوراخ جو کے پنجرے کی طرف کھلا ھوا ھے اُس کے ساتھ ایک پرچ ضرور لگائیں کیونکہ نر کو اِس طرح مادہ کو دانہ
    بھرانے میں آسانی ھوتی ھے ۔۔ پنجرے میں ایک پرچ الگ سے بھی لگائیں جو مضبوطی کے ساتھ لگی ھوئی ھو کیونکہ ڈھیلی پرچ اکثر جب نر کراس یعنی میٹنگ کرنے
    لگتا ھے تو ھل جاتی ھے جو میٹنگ پوری طرح نا ھو سکنے کا باعث بنتی ھے اور نتیجہ انڈے بار آور یعنی فر ٹائل نہیں ھوتے ۔ باکس کے اندر لکڑی کا
    بُورا یا پرالی باریک کاٹ کر بھی ڈالیں لکڑی کے بُورے کے طور پر آپ پڑتل لکڑی کا بورا لے لیں ۔ بہر حال جو بھی ڈالیں اُس میں کو پیکس پاؤڈر بھی ڈال

    Click image for larger version. 

Name:	box copy.jpg 
Views:	622 
Size:	96.0 KB 
ID:	29938
    لیں اِس سے باکس میں کیڑے مکوڑے نہیں آتے اور بچے محفوظ رہتے ھیں ۔ پانی اور خوراک کے برتن لگائیں اور خاص طور پر پانی والا برتن روزانہ دھوئیں
    ۔ زیادہ بیماریاں گندے پانی سے ھی پھیلتی ھیں ۔ پنجرا ایسی جگہ پر نا رکھیں جہاں لوگوں کا آنا جانا زیادہ ھو اِس سے برڈز ڈرے رہتے ھیں اور انڈوں بچوں کے لئیے
    آمادہ نہیں ھوتے ۔ پنجرہ ایسی جگہ پر نا ھو جہاں بہت زیادہ ٹھنڈ ھو گرمی کا ذِکر اس لئیے نہیں کر رھا کہ اب آگے آگے ٹھنڈ ھی ٹھنڈ ھے
    ۔۔ سردیوں کے موسم میں پنجرہ کم سے کم تین طرف سے اچھی طرح ڈھا نپ کر رکھیں ۔ زیادہ سردی سے اکثر مادہ انڈوں کو گرمی پہنچانے میں پوری طرح کامیاب نہیں
    ھوتی اور ایمبریو انڈے میں ھی مر جاتا ھے ۔ کیلشئم بلاک بھی پنجرے میں رکھیں اِس کے اور فائدوں کے ساتھ ساتھ ایک فائدہ یہ بھی ھے کہ پرندے کی چونچ کی لمبائی بڑھ
    جانے جیسے مسائل سے بھی کسی حد تک بچاؤ ھو جاتا ھے ۔

    کراس ھونا ۔۔۔۔
    ایک صحت مند جوڑے کو اور اگر وہ بریڈنگ کنڈیشن میں بھی ھے تو دس سے پندرہ دِن میں کراس کر لینا چاھیے لیکن کراس کب کرے گا کب نہیں اِسکی کوئی حتمی
    مُدت نہیں ھے ۔ میں وہ لِکھتا ھوں جو میرا طریقہ کا ھے ۔ اگر دس دِن میں بھی جوڑا آپس میں کوئی دِلچسپی نا دِکھائے تو میں برڈز بدل دیتا ھوں ۔ لیکن
    اگر کسی تجربے کا ارادہ رکھتا ھوں تو بعض اوقات مہینہ مہینہ بھی صبر کرنا پڑتا ھے ۔ اگر آپ کے پنجرے میں زیادہ خانے ھیں تو ایسا دیکھنے میں آسکتا ھے کہ
    جو جوڑا آپ نے کگایا ھے وہ آپس میں لگنے کے بجائے ساتھ والے خانے میں موجود برڈز میں دلچسپی لے رھے ھیں تو دونوں میں سے ایک جوڑا کِسی اور خانے میں ڈال دیں ۔
    کیونکہ اگر ایسا ھو رھا ھو تو کافی کافی عرصہ آپ کا لگایا ھوا جوڑا آپس میں نہیں لگے گا ۔ اور یہ بھی دیکھنے میں آسکتا ھے کہ مادہ نر کو مارنے ھی لگے ۔

    انڈے دینا ۔۔۔
    کراس ھونے کے بعد مادہ کب انڈے دیگی اِسکی بھی کوئی حتمی مُدت نہیں ھے ۔ بعض مادائیں چھ سے دس دِن میں پہلا انڈا دے دیتی ھیں اور بعض کُچھ دیر بھی کر دیتی ھیں
    پندرہ دِن تک کی مُدت تو میں خُود بھی د۔ یکھ چُکا ھوں ۔ پہلا انڈا آنے کے بعد مادہ ایک دِن چھوڑ کے ایک دِن انڈا دیتی رہتی ھے اور عام طور پر پانچ سے سات
    انڈے دیتی ھے ۔ کُچھ مادائیں کسی وجہ سے اِس سے کم بھی دیتی ھیں اور کُچھ ایسی بھی ھیں جو اِس سے بھی زیادہ دیتی ھیں ۔ لیکن اگر آپ کو چار بچوں کا کلچ مِل رھا ھے
    تو سمجھیں سب اچھا ھے ۔ انڈوں کی تعداد کا کم یا زیادہ ھونا پوری طرح سے مادہ پر مُنحصر ھے نر اس میں بری الذمہ ھے ۔ کُچھ مادائیں کِسی نقص کی وجہ
    سے کم انڈے دیتی ھیں ایسی مادائیں جوڑوں میں استعمال نہیں کر نی چاہییں ۔ لیکن ایسی مادائیں بھی آپ ایسے جوڑوں میں استعمال کر سکتے ھیں جو آپ نے بنائے ھی دوسرے
    جوڑوں کے انڈوں اور بچوں کی پرورش کے لیئے ھوں ۔

    انڈوں پر ھونے کے دوران ۔۔۔۔
    جب آپ کا جوڑا انڈے دے رہے ھوں تو چند باتوں کا خیال رکھیں ۔ انڈے کا چلکا بننے میں مادہ کے جسم کا کافی کیلشئم استعمال ھو جاتا ھے اور اُس میں کیلشئم کی کمی ھو جاتی
    ھے اس لئیے خوراک میں کیلشئم کی مقدار کو بڑھا دیں وہ آپ سیرپ کی مدد سے بھی کر سکتے ھیں اور سمندری جھاگ وغیرہ کو پیس کر بھی استعمال کیا جا سکتا ھے ۔
    انڈے کا چھلکا بھی یہ کام کرتا ھے ۔ خوراک پر دھیان کے ساتھ ساتھ خیال رکھیں کے اب پنجرے کو زیادہ ہلائیں نا ۔ باکس کو زیادہ نا ہلائیں اس سے برڈز ڈسٹرب ھوتے ھیں اس
    میں زیادہ خطرہ تو نہیں ھوتا لیکن احتیاط ھی بہتر ھے ۔ باکس کو بار بار کھول کر برڈز کو ڈسٹرب نا کریں کیونکہ اگر مادہ نے ایک بار انڈے چھوڑ دیے تو بعد میں
    مُشکل سے ھی بیٹھتی ھے ۔

    انڈوں کے عام طور پر مسائل اور حل ۔۔۔۔
    انڈوں کے کئی مسائل ہمیں دیکھنے میں ملتے ھیں میں سب کو تو نہیں جانتا اور نا ھی سب کا کوئی حل ھی لِکھ سکتا ھوں کیو نکہ میرا علم بہت ھی کم ھے ۔ جو مسائل میں
    نے دیکھے ھیں اور پھر اُن کے بارے میں جو تحقیق کی ھے بس وہ لِکھ رھا ھوں۔
    انڈے کا مادہ میں ھی رُک جانا یعنی ایگ بائنڈنگ ۔۔۔۔ اِسکی وجہ کیلشئم کی کمی جسکی وجہ سے مادہ کے پٹھے کمزور رہ جاتے ھیں اور یہ مسئلہ بن جاتا ھے کم عُمری بھی اِسکی ایک وجہ ھے لیکن میں سمجھتا ھوں کہ کیلشئم کی کمی زیادہ وجہ بنتی ھےکیونکہ بجریز تو تین تین ماہ کے بھی بریڈنگ کر لیتے ھیں اِس لیئے
    بجریز میں اِسکی وجہ کم عُمری کم ھے اور کیلشئم کی کمی زیادہ ھے ۔ مُجھے اِس کا سامنا کبھی نہیں ھوا تھا لیکن کُچھ ماہ پہلے ھوا تو میں نے جو کیا وہ لکھ دیتا ھوں
    شائد اس سے بہتر بھی کُچھ ھو میں تو وہ لکھ رھا ھوں جو میرے تجربے سے گُزرا ھے ۔ آدھا ملی لیٹر سی اے سی میں آدھا ملی لیٹر پانی مِلا کے کراپ نیڈل کے ذریعے
    مادہ کو دے دیں ۔ کُچھ دیر بعد تھوڑا سا زیتون کا تیل لے لیں اُسے اپنی اُنگلی پر لگا کے مادہ کی وینٹ پر آہستہ آہستہ ملیں اِس سے کُچھ تیل مادہ کی وینٹ میں خود با

    خود چلا جائے گا ۔ اب ھاتھ سے ھی اندازا کر لیں کہ انڈے کی سمت کیا ھے اور آہستہ آہستہ انڈے کو اپنی اُنگلی اور انگوٹھے کی مدد سے سیدھا کر لیں ۔اِس میں
    حیرانی کی کوئی بات نہیں ھے جب مادہ انڈا دینے والی ھوتی ھے تو آپ اُسکی وینٹ کو اُنگلی لگا کر دیکھ سکتے ھیں آپ کو آسانی سے انڈا محسوس ھو جائے گا
    بلکہ اُسکی گولائی اور سمت بھی محسوس کی جا سکتی ھے ۔ اب آپ انڈے کے اوپری حصے پر اُنگلی اور انگوٹھا رکھ کر اُس پر آہستہ سے وینٹ کے سوراخ کی طرف
    دباؤ ڈالیں آپ نے جلد بازی نہیں کر نی اور زیادہ زور نہیں دینا آپ کی اِس کو شش کے ساتھ مادہ خود بھی کوشش کرے گی اور انڈے کو باہر نِکالنے کے لیئے
    زور لگائے گی آپ نے تو صِرف اُس کی مدد کر نی ھے ۔ آپ دیکھیں گے کہ مادہ کی وینٹ کا سوراخ کبھی باہر آنے لگے گا کیو نکہ مادہ زور لگا رھی ھوتی ھے

    لیکن ضروری نہیں کہ وہ پہلی بار میں ھی کامیاب ھو جائے انڈا نِکالنے میں وہ ایسا بار بار کر سکتی ھے آپ کا کام تو ھے اُس کی مدد کرنا کے جب مادہ زور لگائے آپ
    بھی ساتھ انڈے پر وینٹ کی طرف دباؤ ڈالیں آپ آہستہ آہستہ مسلسل دباؤ ڈالیں گے تو انڈا آپ کے ھاتھ میں آجا ئے گا اور مادہ جِس تکلیف میں مُبتلا تھی اُسے آرام آجائے گا ۔
    یہ پہلی بار مُشکل تو ھے لیکن بھائی آپ کو سب آنا چاھیے میرا یہی کہنا ھے کیا پتا کب آپ کو کس بات کی ضرورت پڑھ جائے تو کیا آپ پھِر دوسروں
    کا منہ دیکھیں گے کہ کو ئی اس مسئلے سے آپ کے برڈ کی جان چُھڑا دے ۔ یقین کریں اگر آپ کوشش کریں گے تو کُچھ بھی کر سکتے ھیں ۔ یاد رکھیں اگر انڈا

    زیادہ دیر مادہ میں پھنسا رہ جائے تو یہ مادہ کے اندر کئی قسم کی اِنفیکشن کر دیتا ھے آپ کی مادہ ضائع بھی ھو سکتی ھے تو اُس سے بہتر ھے کہ
    اُسے بچانے کی کو شش کی جا ئے ۔ میں نے جو لِکھا ھے وہ خود کیا ھے کوئی سُنی سنائی بات نہیں ھے ۔ اور اب بھی وہ مادہ میرے پاس ماشا اللہ صحت مند اور
    تندرست ھے ۔ اور بھائی جس مادہ کو یہ مسئلہ بنے اُسے کم سے کم بھی تین ماہ جوڑے میں نا لگائیں ۔ اور اُسکی خوراک میں کیلشئم کا استعمال
    کریں تاکہ اُسکے پٹھوں کی کمزوری دور ھو جا ئے ۔

    چھلکا کچا رہنا ۔۔ ۔ یہ مسئلہ بالکُل عام ھے یہ مادہ کی جھولی کے اندر ھونے والی ایک خرابی کی وجہ سے بھی ھوتا ھے لیکن اِسکی جو عام وجہ ھے وہ ھے
    کیلشئم کی کمی ۔ میں پہلے ھی لِکھ چُکا ھوں کہ چھلکا بننے میں کافی کیلشئم کی ضرورت ھوتیھے اگر مادہ میں کیلشئم کی کمی ھے تو انڈے کا چلکا کمزور رہ جاتا
    ھے اور وہ انڈا بیکار ھو جاتا ھے ۔ جس مادہ کو یہ مسئلہ ھو سب سے پہلا علاج تو اُس کا یہی ھے کہ اُسکی کیلشئم کی کمی کو پورا کیا جائے کیلشئم کی کمی کو
    پورا کرنے کے بعد یہ مسئلہ باقی نہیں رہتا ایسا میں نے دیکھا ھے ۔۔

    انڈوں کا فرٹائل نا ھونا ۔ یہ مسئلہ بھی عام ھے بعض جوڑے انڈے تو آتھ آتھ دے لیتے ھیں لیکن اُن میں سے انڈا ایک بھی فرٹائل نہیں ھوتا ۔ لیکن یہاں مادہ بالکل بے قصور ھے کیونکہ انڈوں کا فرٹائل ھونا یا نا ھونا نر پر مُنحصر ھے ۔ نروں میں کم فرٹائلٹی کئی وجوہات سے ھوتی ھے جِس میں سیلینیم اور وِٹامن ای کی کمی اہم وجوہات
    ھیں ۔ پرچ ڈھیلی ھونے یا کسی بھی اور وجہ سے اگر کراس مکمل نہیں ھوا تو بھی انڈے فرٹائل نہیں ھو تے ۔ لیکن ایسی صورت میں ایک بھی فرٹائل نہیں ھوتا ۔ لیکن
    اگر کُچھ تو فرٹائل ھو رھے ھیں اور کُچھ نہیں ھو رھے تو یہ نر کی کمزوری کو ظاہر کرتے ھیں ۔ اگر کوئی نر پیدائشی طور پر انڈے فرٹائل کرنے ک قابل نہیں

    ھے تو میرے علم کے مُطابق اُس کا علاج نہیں ھو سکتا ۔ لیکن اگر کوئی نر انڈے فرٹائل تو کرتا ھے لیکن کم تو اُس کا علاج اُسکی خوراک میں وٹامن ای بڑھا کے کیا
    جا سکتا ھے ۔ سیلینیم تو سورج مُکھی کے بیج میں بھی کافی مل سکتا ھے ۔ وٹامن ای آپ ایویان کیپسول سے بھی حاصل کر سکتے ھیں ۔ آپ چاھیں تو اُس کے
    لیئے نیکٹون ای بھی برڈز پلینٹ شاپ سے خرید سکتے ھیں اور اگر چاھیں تو امونوٹون جو سائمنز کمپنی کی ھے پولٹری کی ھے وہ بھی خرید سکتے ھیں
    اُس میں بھی آپ کو وٹامن ای کے ساتھ ساتھ سیلینیم بھی مل جائے گا ۔

    انڈے کا فرٹائل ھوکے خراب ھو جانا ۔ اِسکی وجوہات بھی ایک سے زیادہ ھیں ۔ اب یہ کیوں
    ھوا ھے اس کے لیئے تھوڑا دھیان کی ضرورت ھوتی ھے جو شوقین کو کرنا پڑتا ھے ۔ اکثر مادائیں انڈے تو ٹھیک دے لیتی ھیں لیکن وہ اچھی طرح اُنہیں گرمائش نہیں
    دے سکتیں ایسی صورت میں بھی انڈے فرٹائل ھونے کے بعد بھی خراب ھو جاتے ھیں یعنی اُن میں ایمبر یو مر جاتا ھے ۔ کُچھ بیماریاں بھی ایسی ھیں جو مادہ سے ھی
    انڈے کے مواد میں مُنتقل ھو چُکی ھو تی ھیں اُن کی وجہ سے بھی ایسا ھو سکتا ھے ۔ پولیوما وائرس کی بھی ایک حالت ایسی ھے جو انڈے میں بچہ بننے سے پہلے
    ھی ایمبریو کو مار دیتی ھے ۔ وِٹامنز اور منرلز کی کمی سے بھی ایسا عام طور پر ھو جاتا ھے ۔ ایمبریو کا انڈے میں دُرست جگہ پر نا بننا اور بھی کُچھ وجوھات ھیں لیکن

    سوال تو یہ ھے کہ ھم کیا کر سکتے ھیں اور کیا نہیں کر سکتے ۔ میرا طریقہ کار اِس مسئلے میں صاف ھے کہ جِس مادہ کے ساتھ یہ مسئلہ آرھا ھو میں اُسکی
    خوراک کو مزیڈ بہتر کر دیتا ھوں تاکہ شک نکل جائے کہ اِس میں وٹامنز کی کمی ھے اور پھر جب اُسکے انڈے آنے شُروع ھوتے ھیں تو اُنہیں اُٹھا
    کے کسی دوسری مادہ کے نیچے رکھ دیتا ھوں تاکہ یہ شک بھی نا رھے کہ شائد مادہ گرمائش دینے میں ناکام ھے ۔ اب اگر انڈے خراب نہیں ھوتے تو میں جان جاتا ھوں کہ
    پہلے دونوں مسئلوں میں سے ھی مسئلہ تھا لیکن اگر پھر بھی انڈے خراب ھو جائیں تو میں اُس جوڑے کو توڑ دیتا ھوں کیونکہ اِن کے عِلاوہ جو وجوہات ھیں اُس میں

    تو شائد ہم کُچھ کر ھی نہیں سکتے کیو نکہ اگر پولیوما ھے تو بھی علاج نہیں ھے اور اگر کوئی اور بیماری ھے جو مادہ سے انڈے میں مُنتقل ھوتی ھے
    تو بھی ہم زیادہ کُچھ تو نہیں کر سکتے جبکہ ہم اُسکے بارے جانتے بھی نا ھوں ،۔ اور ایمبریو کا غلط جگہ پر بننے کا معاملہ بھی میرے علم سے باہر ھے میں نے
    کئی ماداؤں کے انڈوں میں ایمبریو غلط سمت میں دیکھے تو ھیں لیکن تحقیق کے باوجود میں جان نہیں سکا کہ ایسا کیوں ھوتا ھے اور اس کا
    حل کیا ھے ۔۔ لیکن میں نے یہ دیکھا ھے کہ زیادہ تر جو وجوہات ھوتی ھیں اُن میں مادہ کا گرمائش پہنچانے میں ناکام رہنا یا وٹامنز اور منرلز کی کمی رہ جانا ھی ھیں ۔۔


    بچے کا انڈے میں ھی مر جانا ۔۔۔ اکثر دیکھنے کو ملتا ھے کے انڈا فرٹائل بھی ھوا اور بچہ بھی بن گیا لیکن بچہ انڈے سے باہر
    نہیں آیا اور انڈے میں ھی مر گیا جسے ھم ڈیڈ اِن شیل کہتے ھیں ۔ اِسکی وجوھات بھی ایک سے زِیادہ ھیں جِن میں وِٹامنز کی کمی خاص طور پر وٹامن بی
    کی کمی اہم وجہ ھے سیدھی سی بات یاد رکھیں کہ وِٹامنز اور منرلز کی کمی سے ایمبریو کمزور ھوتا ھے جو کسی بھی وقت مر سکتا ھے انڈے کے فرٹائل ھونے کے چند دن بعد بھی
    اور بچہ بن جانے کے بعد بھی ۔ اگر انڈے کے اوپر بہت زیادہ ڈراپنگ جم جائے تو بھی ایسا ھو جاتا ھے اصل میں ھوتا یہ ھے کہ ڈراپنگ جمنے کی وجہ سے انڈے کا چھلکا
    زیادہ مضبوط ھو جا تا ھے اور بچہ اُسے توڑ نہیں پاتا اور مر جاتا ھے ۔ اگر خوراک میں کیلشئم کی زیادتی ھے تو بھی انڈے کا چھلکا زیادہ سخت ھو جاتا ھے اور

    بچے کے انڈے ھی میں مرنے کا سبب بنتا ھے ۔ لیکن یہ وجہ کم دیکھنے میں ملتی ھے ۔ زیادہ تر یہ وٹامنز کی کمی سے ھی ھوتا ھے ۔ اگر انڈے پر ڈراپنگ جم جائے تو بہتر
    ھے آپ اُسے صاف کر لیں یہ بہت آسان ھے بس ذرا احتیاط کی ضرورت ھے ۔ تھوڑا سا نیم گرم پانی جس کا ٹمپریچر چالیس سے بیالیس کے درمیان ھو آپ ھاتھ سے ھی
    اُسکا اندازا لگا سکتے ھیں لیں اور اُس میں روئی بِھگو کے انڈے پر پھیرتے رہیں آرام اور احتیاط سے پانی کی وجہ سے ڈراپنگ نرم ھو جائے گی
    جب آپ دیکھیں کے ڈراپنگ نرم ھو گئی ھے تو خشک روئی سے انڈے کو صاف کر لیں آپ دیکھیں گے کہ انڈا بالکُل صاف ھو جائے گا جیسے ابھی ھی دیا گیا ھو ۔ اِس سے
    انڈے یا بچے کو کوئی نُقصان نہیں ھوتا میں ایسا سینکڑوں بار کر چُکا ھوں ۔


    انڈوں کے حوالے سے کُچھ مزید مشورے ۔۔۔ اگر آپ کے پاس زیادہ جوڑے ھیں تو آپ دیکھیں گے کے کُچھ جوڑے زیادہ انڈے دیں گے اور کُچھ کم۔ آپ انڈوں پر نَشانی لگا کر زیادہ انڈوں والے جوڑے کے کُچھ انڈے اُن جوڑوں کے نیچے رکھ دیں جِنہوں نے چار سے کم انڈے دے رکھے ھوں کیو نکہ اکثر مادائیں زیادہ انڈے دے تو لیتی
    ھیں لیکن اُن سب کو گرمائش پہنچانے میں ناکام رہتی ھیں اور بعض مادائیں بچے تو سب نِکال لیتی ھیں لیکن سب بچوں کو پال نہیں پاتیں ۔ تو اس سے
    آپ کو اُتنا فائدہ ھونے سے رہ جاتا ھے جتنا آپ کو ھو سکتا ھے اگر آپ انڈوں کی تعداد کو چار سے پانچ رکھیں گے ہر خانے میں تو آپ کو سیلف ھوئے پٹھے زیادہ مل
    جائیں گے ۔ وہ انڈے جو فرٹائل نہیں ھوئے اُنہیں بھی خانے سے باہر نِکال کر کسی اور کے فرٹائل انڈوں کی جگہ بنائی جا سکتی ھے ۔ جو انڈے فرٹائل نہیں ھو سکے

    اُنہیں بھی پھینکیں نا وہ بھی کام آسکتے ھیں ۔ مثال کے طور پر اگر کسی خانے میں ایک ھی بچہ ھے یا دو بچے ھیں تو آپ کے لیئے بہتر ھے کہ اُس میں دو یا
    تین انڈے جو آپ کے کسی کام کے نہیں ھیں رکھ دیں اِس سے بچے مادہ کے اِضافی دباؤ سے بھی بچ جاتے ھیں اور اُن کی ٹانگیں تیڑی ھونے کے مسائل سے بھی حفا ظت
    ھو جا تی ھے ۔ اور آپ دوسرا کام یہ بھی لے سکتے ھیں کہ اگر آپ نے کُچھ جوڑے فوسٹر پیئرز کے طور پر لگائے ھیں اور وہ آپ کے اصل جوڑوں کے انڈے دینے سے
    پہلے ھی انڈے دے دیتے ھیں تو آپ اُن کے انڈے اُٹھا کے اُن کے نیچے ناکارہ انڈے رکھ دیں اِس سے یہ ھو گا کہ فوسٹر پیئر کی مادہ اُن پر بیٹھی تو رھے گی لیکن وہ

    انڈے کبھی فرٹائل نہیں ھونگے اور آپ کو کُچھ دِن مل جا ئیں گے کے آپ کے اصل جوڑے انڈے دیں اور آپ اُن کے انڈے بدل سکیں یعنی ناکارہ انڈے نِکال کر
    اُن کے بدلے پھر کارآمد انڈے رکھ دیں ۔ میں اپنے فوسٹر پئیرز کو دو دو مہینے بھی خراب انڈوں پر بِٹھائے رکھتا ھوں جب تک کہ میرے مطلوبہ انڈے آ نہیں جا تے ۔
    انڈے پر نِشانی کے طور پر کُچھ لِکھنے سے کوئی نُقصان نہیں ھوتا لیکن مارکر استعمال کریں پنسِل نہیں ۔ اگر مادہ نے کسی وجہ سے ایک ھی انڈا دِیا ھے تو وہ اُٹھا کر کسی
    اور جوڑے کے نیچے رکھ دیں تاکہ وہ جوڑا پھر سے انڈے دے سکے ۔


    انڈوں میں سے بچوں کا نِکلنا ۔۔۔۔۔۔۔۔۔

    پہلے دس دِن ۔۔۔۔ عام طور پر بجریز کے انڈوں میں سے بچے اٹھارہ سے بیس دِنوں میں نِکل آتے ھیں ۔ اور جِس طرح سے انڈے ایک دِن چھوڑ کے ایک دِن مِلے تھے بچے بھی اِسی طرح نِکلتے ھیں ۔
    بجریز کا بچہ پہلے دس دِن آنکھیں نہیں کھولتا ۔ دس دِن کے بعد اُس کی آنکھیں کُھلتی ھیں ۔ یاد رکھیں پہلے دس دِن وہ وقت ھوتا ھے جب ذرا سی تکلیف برداشت کرنے کی بچے میں طاقت نہیں ھوتی اِسلیئے کافی دھیان کی
    ضرورت ھے ۔ اِس عُمر میں اکثر بچے مادہ کے وزن سے بھی مر جاتے ھیں اِسلیئے باکس میں اگر اور انڈے نہیں ھیں تو ناکارہ انڈے ضرور رکھ دیں تاکہ ایسا نا ھو ۔ جوڑے کی خوراک میں نرم غِذاؤں کا اِستعمال بڑھا دیں اِس سے
    مادہ کو بچے کو خوراک دینے میں آسانی ھوتی ھے اور یہ اُسکے اچھے سائز کے لیئے بھی ضروری ھے ۔ دِن میں ایک بار باکس دیکھ لیں کہ مادہ بچے کو خوراک کِھلا رھی ھے یا نہیں ۔ اِس میں کوئی حرج نہیں ھوتا ۔ اگر آپ نوٹ کریں کے
    بچے کی کراپ آپ کو اکثر ھی خالی مِلتی ھے تو اِس کا مطلب ھے کہ مادہ بچے کو سہی طرح سے کھلا نہیں رہی ھے ۔تو نتیجہ یا تو بچہ مر جائے گا یا سائز چھوٹا رہ جائے گا ۔ اِسلیئے اُسے کسی دوسرے جوڑے کے نیچے رکھ دینا ھی بہتر حل ھے ۔
    یاد رکھیں کئی ایسے مسئلے ھیں جِن کا واحد حل صرف فوسٹر پیئرز ھی ھیں اِسلیئے کُچھ جوڑے ضرور لگائیں ۔ جیسے جیسے بچے بڑے ھوتے جائیں گے اُن میں مضبوطی آتی جائے گی


    ۔۔ ٹانگیں ٹیرھی ھو جانا ۔۔۔۔
    کیلشئم کی کمی کی وجہ سے بھی ایسا ھو جاتا ھے اور اگر باکس کا فرش پھسلنے والا ھے تو بھی بچے کی ٹانگیں چِر جاتی ھیں اور جب مادہ اُسی حالت میں بچے پر بیٹھی رہتی ھے تو بچے کی ٹانگیں ویسے ھی رہ جاتی ھیں اِس لیئے نیا باکس کا فرش ہمیشہ رگڑ کے کُھردرا کر لینا چاھیے ۔ اگر آپ دیکھیں کہ بچے کی ٹانگیں خراب ھو رہی ھیں تو بارہ سے پندرہ دِن کی عُمر ھونے پر آپ اُس کی ٹانگیں سیدھی کر کے آپس میں کِسی ٹیپ وغیرہ سے باندھ دیں لیکن اس طرح نہیں کہ خون کی گردِش میں کوئی رُکاوٹ بنے تین چار دِن باندھے رکھنے سے ٹانگیں سیدھی ھو جا تی ھیں

    ۔۔ بچوں کا سائز نا بننا ۔۔۔ اِس کی وجہ بھی اچھی خوراک کا نا مِلنا یا مادہ کا اچھی طرح خوراک نا کِھلانا ھوتا ھے ۔ عام طور پر جو بچے آخری ھوتے ھیں اُن کو زیادہ خوراک نہیں مِلتی چھوٹے ھونے کی وجہ سے وہ اپنے حِصے کی خوراک پانے میں پوری طرح کامیاب نہیں ھوتے بڑے بچے آگے بڑھ بڑھ کے خوراک کھاتے رہتے ھیں اور نتیجہ یہ نکلتا ھے کہ آخری بچہ چھوٹا رہ جاتا ھے ۔۔ میں اِسی لیئے کہتا ھوں کہ آپ روزانہ باکس کم سے کم ایک بار تو چیک کریں میں اپنے برڈز کو اُن کے حال پر کبھی نہیں چھوڑتا ۔۔۔

    بچوں کے پاؤں میں رِنگ ڈالنا ۔۔۔۔ جب بچے نو سے دس دِن کے ھو جائیں تو اُن کے پاؤں میں رنگ ڈالیں
    اِس سے آپ کو بعد میں پرندے کی پہچان میں آسانی ھو گی کہ یہ کِس پئیر کا بچہ ھے اور اِس سے برڈ کی عُمر کا بھی بعد میں آسانی سے پتا لگ جاتا ھے ۔۔۔ رِنگ آپ بنوانے پڑیں گے ۔۔

    پروں کا نا نکلنا یا خراب نکلنا ۔۔۔ عام طور پر زِنک پروٹینز وِٹامن اے وغیرہ کی کمی سے بھی ایسا ھوجا تا ھے لیکن ایک بیماری جو بجریز میں عام ھے جِسے فرنچ مولٹ کہتے ھیں وہ بھی اِس کی وجہ بنتی ھے اِس بیماری کا تا حال کو ئی عِلاج دریافت نہیں ھوا کُچھ برڈز تو تین چار ماہ کے بعد خود ٹھیک
    ھو جاتے ھیں لیکن کُچھ کبھی ٹھیک نہیں ھو پاتے ایسے برڈز اگر جوڑوں میں استعمال کیے جائیں تو بچے بھی فرنچ مولٹ کے شِکار ھی پیدا ھوتے ھیں ۔۔


    بچوں کا ماں باپ سے الگ کر نا ۔۔۔۔۔ بچے عام طور پر پینتالیس دِن میں خود کھانے پینے اور اُڑنے کے قا بل ھو جاتے ھیں تب آپ اُنہیں نِکال کر الگ بڑے پنجرے میں چھوڑ دیں جہاں وہ اُڑ سکیں اور اچھا سائز بنا سکیں ۔۔ خیال رکھیں کہ جب بچے باکس سے باہر آتے ھیں تو اکثر مادائیں اُنہیں مارنے لگتی ھیں
    اور بعض اوقات تو جان سے ہی مار دیتی ھیں اِس لیئے اگر عُمر کم ھے تو بچے کو باکس میں دوبارہ ڈال دیں اور اگر عُمر ھو چکی ھے تو الگ کر دیں تاکہ بچے کسی بھی وجہ سے ضائع نا ھو جائیں ۔۔۔

    بیمار بجریز کو کیسے سنبھالیں ۔۔۔۔۔۔۔۔۔۔
    بیماری شوقین حضرات کا وہ اِمتحان ھے جِس سے پتا چلتا ھے کہ آپ کِتنے تجربہ کار ھو گئے ھیں ۔۔ میرے نزدیک جو بیمار پرِندے کی دیکھ بھال کر سکتا ھے وہی کامیاب شوقین بن سکتا ھے ورنہ بیماری ایسی چیز ھے جِس سے شوق کا بھوت چند دِنوں میں ھی نِکل جاتا ھے ۔۔ اور لوگ مجبور ھوکر شوق چھوڑ دیتے ھیں ۔۔ اور یہ بات سہی ھے کہ شوقین چاھے پُرانا ھو یا نیا بیماری کا سامنا سب کو ھوتا ھے بس جو پُرانے شوقین ھیں اُنہیں کم سامنا کرنا پڑتا ھے اور وہ کِسی حد تک بیمار پرِندے کو سنبھال لیتے ھیں ۔۔۔ اور جو نئے شوقین ھوتے ھیں چونکہ وہ سہی حِفاظت کرنا نہیں جانتے اِس لئیے اُنہیں بیماری کا سامنا زِیادہ کرنا پڑتا ھے اور عِلم کم ھونے کی وجہ سے وہ پرِندے کو سنبھال بھینہیں پاتے اور شوق سے ھی مایوس ھونے لگتے ھیں ۔۔ میرا اِس موضوع پر لِکھنے کا مقصد یہی ھے کہ کِسی حد تک بیماری کو کیسے کنٹرول کِیا جا سکتا ھے ۔۔ میں کوئی ڈاکٹر نہیں ھوں بس جو اپنے شوق سے سیکھا

    ھے وہ لِکھنے کی جسارت کر رہا ھوں ۔۔ اِس موضوع کو میں پورا نہیں کر سکتا اِس لئیے احمد عُثمان جاوید اور راؤ صاحب اور دیگر بُزرگانِ برڈز پلانٹ کی ضرورت پڑے گی ۔۔ میں یہاں کُچھ علامات کا ذِکر کرتا ھوں جِن سے پرِندے کے بیمار ھونے کا پتا کِسی حد تک چل سکتا ھے ۔۔ اور اگر ھم وقت پر جان جائیں کہ پرِندہ بیمار ھے تو بہت مُمکِن ھے کہ ھم اُسے بچا لیں گے ۔ لیکِن اگر ھم وقت پر نا جان سکیں تو بیماری پرِندے پر پُوری طرح غالِب آجاتی ھے پھِر اکثر ھم پرندے کو
    بچانے میں ناکام ھو جاتے ھیں ۔۔ نئے شوقین اِسی بات سے ہی نُقصان اُتھاتے ھیں کہ اُنہیں بیماری کا تب پتا چلتا ھے جب پرِندا موت کے قریب چلا جا تا ھے پھِر اُسے بچانا قریب قریب نا مُمکِن ھو جا تا ھے ۔۔ تو جب آپ
    دیکھیں کہ پرِندا اپنے پر پُھلا کے بیٹھا ھے تو اکثر یہ علامت ھو سکتی ھے پرِندے کا گردن گُھما کے پروں میں دے لینا بھی بیماری کی علامت ھو سکتا ھے ۔سوتے ھوئے بھی پرِندے ایسا کرتے ھیں لیکِن بیماری میں ایسا کرنے کی
    نِشانی یہ ھے کہ جب آپ پرِندے کی طرف ہاتھ کریں گے تو وہ وقتی طور پر تو چُست ھو جائے گا لیکِن ہاتھ کے پیچھے کرتے ھی وہ پھِر اپنے پر پھُلا لیگا ۔۔ سانس کے ساتھ دُم کا ہِلنا۔اِرد گِرد کے ماحول میں دِلچسپی نا لینا ۔کافی دیر تک ایک ہی انداز میں بیٹھے رہنا حتی کہ سر کو بھی حرکت نا دینا ۔ڈراپِنگ کا رنگ تبدیل ھو جانا ۔ڈراپِنگ کا پتلی یا پھٹی پھٹی ھونا یا باِلکُل پانی جیسی ھونا ۔ آنکھوں کو بند کرکے یا آدھی بند کرکے کافی دیر تک بِنا حرکت بیٹھے رہنا جبکہ وہ سویا ھوا بھی نا ھو

    ۔سانس کے ساتھ آوازوں کا آنا وغیرہ یہ سب بیماری کی علامات ھیں ۔۔ یاد رکھیں کہ بجری ایک کھیلنے والا پرندا ھے اگر وہ اُداس بیٹھا ھے تو سمجھ جائیں کہ اُسے کوئی مسئلہ ھے ۔میں اپنے پرِندے کی شکل دیکھ کر ھی جان لیتا ھوں کہ اِسے
    کوئی مسئلہ ھو رھا ھے ۔۔ اب جب آپ کو پتا چل جائے کہ پرِندا بیمار ھے تو اُسے دوسرے پرِندوں سے الگ کر دیں ۔ اِس سے وہ دوسرے پرِندوں کی مار سے بھی بچ جائے گا اور دوسرے پرِندے اُسکی بیماری سے بچ جائیں گے ۔
    کیونکہ اِنکی اکثر بیماریاں ایک پرِندے سے دوسرے پرِندے کو لگ جاتی ھیں ۔ اِسکے لئیے ھر شوقین کو ایک الگ سے پَنجرہ بنانا چاھیےجِسکے ماحول کو آپ سردیوں میں گرم رکھیں اور گرمیوں میں قدرے ٹھنڈا ۔ جب آپ اِس میں

    بیمار پرِندا رکھیں تو اُس پَنجرے کے فرش کو اچھی طرح صاف کر لیں ۔ اور پرِندے کی بھی وینٹ سے پروں کو اُتار دیں کیونکہ جب پرِندا بیماری کی وجہ سے غلط ڈراپِنگ کرتا ھے تو اکثر وہ ڈراپِنگ چِپکنے والی ھو تی ھے اور پروں کے
    ساتھ چِپک جاتی ھے ۔۔ پِنجرے کے فرش کو صاف کرنے اور وینٹ سے پروں کو اُتار دینے کا یہ فائدا ھوگا کہ پرِندے کی ڈراپنگ پر آپ نظر رکھ سکیں گے کہ اُس میں بہتری آرہی ھے یا نہیں ۔ اور بہتر ھے کہ پِنجرے کا فرش
    روزانہ صاف کِیا جائے ۔۔۔ میں یہاں یہ بات بھی کہنا چاہوں گا کہ کُچھ باتیں اگر ھم اپنا لیں تو کافی حد تک کامیاب ھو جائیں گے پرِندوں کا عِلاج کرنے میں ۔۔ اکثر بھائی دوائی مِلا پانی پرِندے کے سامنے رکھ کر یہ سمجھ لیتے ھیں
    کہ ھم نے عِلاج کر دِیا ۔ بھائی میں یہاں یہ کہنا چاھوں گا کہ جب پرِندہ زِیادہ بیمار ھو جائے تو وہ کھانا پینا چھوڑ دیتا ھے اب ایک تو بیماری اُسے مارتی ھے دوسرا نا کھانے پینے کی وجہ سے وہ بہت تیزی سے موت کی طرف چلا

    جاتا ھے ۔تو ہمیں یہ لگتا ھے کہ دوا نے اثر نہیں کِیا جبکہ پرِندے نے دوا والا پانی پَیا ھی نہیں ھو تا ۔ اگر ھم تھوڑی سی محنت کریں تو اپنے پرِندوں کی شرحِ اموات کو کافی کم کر سکتے ھیں ۔ ایک تو یہ کہ میں سمجھتا ھوں کہ ہر شوقین کو یہ آنا چاھیے کہ وہ ضرورت پڑنے پر پرندے کو خُد کھِلا پِلا سکے ۔ اکثر بھائی ڈرتے ھیں کہ ایسا کرنے سے ھم کوئی نُقصان نا کر بیٹھیں لیکِن میں یہ کہتا ھوں کہ یہ ضروری ھے اگر خدانخواستہ کوئی نُقصان ھوتا بھی ھے تو بعد میں اِسکا فائدہ باقی پرِندوں کو اور آپ کو ضرور ھوگا ۔۔ اور اگر آپ خاص احتیاط سے کام لیتے ھوے سیکھنا شروع کریں تو میرا خیال ھے کہ بِنا کِسی نُقصان کے آپ سیکھ جا ئیں گے ۔ اِسکے بارے میں میں بعد میں بات کر تا ھوں ۔ تو میں کہنا یہ چاہ رھا تھا کہ اگر آپ دیکھیں کہ پرِندہ زِیادہ بیمار ھے تو دوا سامنے رکھ کے پرندے کو اُسکے حال پر نا چھوڑ دیں ۔ بلکہ دوا مِلا پانی بنا کے پہلی خوراک کے طور پر خُد پرندے کو کراپ نیڈل کے ذریعے دے دیں ایک مِلی لیٹر سے کُچھ کم کافی ھے اُس کے بعد آپ وہ دوا مِلا پانی پرندے کے پِنجرے میں رکھ دیں ۔۔ اور دھیان دیجئے گا کہ پرندہ کُچھ کھا بھی رھا ھے کہ نہیں ۔ اگر آپ محسوس کرتے ھیں کہ آپ نے کافِی وقت کے بعد دیکھا

    لیکِن پھِر بھی پرندے کی کراپ خالی ھے تو لازمی ھے کہ آپ اُسے خُد خوراک دے دیں ۔ یہ کوئی زِیادہ مُشکِل کام نہیں ھے ۔ میں ایسے پرِندے جو کِسی بھی وجہ سے خوراک نہیں لے پاتے اُنہیں دِن میں دو سے تین بار خُد خوراک دے دیتا ھوں ۔ اور اپنے پرِندوں میں
    دِن میں دو سے تین بار تو شائد ھر کوئی جا ھی سکتا ھے ۔آپ یقین کریں اگر آپ بیمار پرِندے کو ایک یا دو دِن خُد خوراک اور دوا دے دیں گے تو یقین کریں کہ اگر کِسی وائرس کا حملہ نہیں ھے تو آپ نوے فیصد بیمارپرِندوں کو بچا سکیں گے ۔ میں یہ بات بِنا تجربے کے نہیں کہہ رھا میں نے کبھی بھی بیمار پرِندے کو اُسکے حال پر نہیں چھوڑا ۔ میرے پاس ھینڈ فیڈ فارمولا ھر وقت موجود ھوتا ھے ۔ بیمار پرِندے کو اِبتدائی دوا کی خوراک اور بعد میں اُس کو خوراک کے طور ھینڈ فیڈ خُد کرواتا ھوں اور اِس محنت کا مُجھے یہ فائدہ ھے کہ اکثر دوا کی پہلی خوراک ھی پرِندے کی بیماری کو آدھا کر دیتی ھے تو جب میں دیکھتا ھوں کہ اب یہ خطرے سے باہر ھے تو اُسے خد کھانے پینے دیتا ھوں ۔ اِس لئیے میں اِس بات پر زور دونگا کہ زِیادہ بیمار پرندے کو آپ خود ایک یا دو دِن ھینڈ فیڈ کروا دیں ۔ ویسے بھی بیمار پرِندے کو جلد ہضم ھو جانے والی خوراک کی ضرورت ھوتی ھے تو ھینڈ فیڈ بہت بہتر ھے ایک دو بار کے لیئے ۔۔ اور اب تو برڈز پلینٹ کی شاپ کی وجہ سے اِتنی آسانی ھو گئی ھے کہ ھر چیز آپ کو آپ کے گھر میں دستیاب ھے ۔ اب رہی بات کہ کِس دوا سے عِلاج کریں پرِندے کا ۔ تو بھائی میں یہ بات کہنا چاھوں گا کہ یہ پتا

    چلانا کہ پرندے کو مسئلہ کِیا ھے آسان کام نہیں ھے ۔ کیونکہ اکثر بیماریوں کی علامات ایک جیسی ھوتی ھیں جب کہ بیماری الگ الگ ھے ۔۔ یہاں پاکِستان میں سہولیات بھی کم ھیں اور جو ھیں اُنکی طرف جانے کا ہمارے پاس وقت ھی نہیں ھے ۔ میں اِس موضوع کو زِیادہ لمبا نہیں کروں گا کیونکہ یہاں بہت بہت تجربہ کار ممبرز موجُود ھیں اُنکی موجودگی میں میرا کُچھ کہنا شائد نا مُناسِب ھے ۔ نا ھی میرا عِلم اِتنا زِیادہ ھے ۔ میں وہ لِکھ دیتا ھوں جو میری اپنی سمجھ بوجھ ھے اپنا طریقہِ عِلاج ھے اپنی سوچ ھے
    ۔ میں یہ نہیں کہتا کہ میری سوچ حرفِ آخِر ھے بس جو محسوس کِیا ھے لِکھ رھا ھوں ۔ بھائی کُچھ بیماریاں وائرس کی وجہ سے ھوتی ھیں اور کُچھ بیکٹیریا کی وجہ سے ۔ جو بیماریاں بیکٹیریا کی وجہ سے ھوتی ھیں اگر وقت پر پتا چل جائے تو
    اُن کا عِلاج کِیا جا سکتا ھے ۔ لیکِن جو بیماریاں وائرس سے پھیلتی ھیں اُن کا عِلاج قریب قریب نا مُمکِن ھے ۔ لیکِن وائرس سے پھیلنے والی بیماریوں میں بھی بیکٹیریا والی بیماریوں کی دوائیں فائدہ تو بہر حال دیتی ھیں ۔ کیونکہ وائرس سے جب
    پرندہ زیادہ بیمار ھوتا تو اکثر اُسکی قوتِ مُدافعت بہت کمزور ھو جا تی ھے جِسکی وجہ سے چھوٹی بڑی کئی بیکٹیریل بیماریاں بھی حملہ آور ھو سکتی ھیں جو پرندے کو مزید بیمار کر دیتی ھیں ۔ اِس لیئے وائرس سے ھونے والی بیماریوں میں بھی

    اینٹی بائیو ٹِک دوائیں اِستعمال کرنا باِلکُل بے فا ئدہ بھی نہیں ھوتا ۔۔ یہ بات لِکھنے مقصد یہ ھے کہ اینٹی بائیو ٹِکس ھی زیادہ اِستعمال ھو نے والی دوائیں ھیں ۔ عام طور پر پرندوں پر جو بیکٹیریل بیماریاں حملہ کرتی ھیں جیسا کے
    مائیکوملازما ۔ ای کولی۔ سالمونیلا اور اُس سے متعلقہ بیماریاں ۔ پیرا ٹائفائیڈ وغیرہ اور بھی کافی ھیں کی بنیادی علامات اکثر مِلتی جُلتی ھیں اُن میں زِیادہ عام علامات یہ ھیں ۔ پر پھُلا کے بیٹھ جانا ۔ آنکھیں بند کر لینا یا آدھی بند کرنا ۔ ادھر اُدھر کے
    ماحول میں دلچسپی نا لینا ۔ آنکھیں خراب ھونا ۔ سانس کھینچ کھینچ کر لینا ۔ سانس کے ساتھ دُم کا ہِلنا ۔ ڈراپِنگ کا رنگ سبز ھو جانا ۔ ڈراپِنگ کا پروں کے ساتھ چِپک جانا ۔ باِلکُل پانی جیسی ڈراپِنگ آنا ۔ پھٹی پھٹی ڈراپنگ ۔ یا کالے رنگ کی ڈراپِنگ ۔ ڈراپِنگ میں خوُن آنا

    ۔ پیلی یا براؤن ڈراپنگ آنا وغیرہ وغیرہ ۔۔۔ مسائل تو اور بھی بہت ھیں لیکِن جو مسائل عام ھیں وہ یہ ھیں ۔ ان میں سے کُچھ بیکٹیرل بیماریاں بھی ایسی ھیں جن کی علامات ظاہر ھو کے ختم ھو گئی ھوتی ھیں یا ظاہر ھی نہیں ھوتیں
    لیکن بیماری پرندے میں چُھپی ھوئی موجود رہتی ھے تو جب پرندے بچے نِکالتے ھیں تو وہ بیماری پرندوں سے بچوں میں چلی جاتی ھے اور بچے زِیادہ کمزور ھو نے کی وجہ سے اُسے برداشت نہیں کر پاتے اور مرنے لگتے ھیں ۔۔
    اب یہ علامات وائرس والی بیماریوں کی بھی ھوسکتی ھیں اور بیکٹیریل کی بھی ۔ میں یہ سمجھتا ھوں کہ ہمیں بیکٹیریل بیماریوں کو ذہن میں رکھ کر ھی عِلاج
    شروع کر دینا چاہیے ۔ کیونکہ اگر خدا نخواستہ وہ وائرس ھے تو آپ زِیادہ کُچھ تو نہیں کر سکتے عِلاوہ اینٹی بائیوٹِک کے اور اگر وہ ھے ھی بیکٹیریل بیماری تو بھی اینٹی بائیوٹِک ھی عِلاج ھے ۔ تو یعنی اینٹی بائیوٹِک کا ہمارے پاس ھر وقت مو جُود

    ھو نا ضروری ھے ۔ اکثر بھائی جب یہاں سوال کرتے ھیں بیماری سے متعلق تو دوا کے طور پر ھم ایک دوسرے کو ٹیرا مائی سِن ۔ ڈوکسی سائیکلین کیپسول وغیرہ کا مشورہ دیتے ھیں ۔ وہ کام تو کرتے ھیں لیکِن میرا ذاتی تجربہ ھے کہ وہ اُتنا کام نہیں کرتے جِتنی ھم اُمید رکھتے ھیں ۔ میرے خیال میں اُسکی وجہ شائد یہ ھو سکتی ھے کہ وہ پانی میں مِکس کرکے اِستعمال کرنے کے لیئے بنے ھی نہیں ۔ میں اِس لیئے بہتر سمجھتا ھوں کہ کوئی اچھی اینٹی بائیوٹکس جو بنی ھی پانی میں اِستعمال کے لیئے ھو ھمارے پاس موجود ھونی چا ھیے ۔ میں جِن دواؤں کا اِستعمال اپنے پرِندوں میں ضرورت پڑنے پر کرتا رہتا ھوں میں بھائیوں سے شئیر کر دیتا ھوں ۔ میں یہ نہیں کہتا کہ یہ سب سے بہتر دوائیں ھیں جو بھائی اِن سے بھی اچھی دوائیں ویٹا فارم کمپنی وغیرہ کی اِستعمال کر رھے ھیں وہ بہتر ھیں ۔ لیکِن میرا کام اِن دواؤں سے بہت اچھا چل جاتا ھے اِس لئیے میں کِسی اور دوا کی ضرورت محسوس نہیں کرتا ۔ میں یہاں چند دوائیں لِکھ رھا ھوں جو میرے ذاتی اِستعمال میں
    ھیں اور اُن کا رِزلٹ میرا دیکھا بھالا ھے ۔۔ اوکسی این فِفٹی۔ یہ نیو مائی سِن اور ٹیٹرا سائیکلین کا میل ھے ۔ ٹائلو ڈوکس ۔ یہ ٹائلو سِن اور ڈوکسی سائیکلین کا میل ھے ۔ ٹائلوفرسِن ۔ یہ ٹائلو سِن فرورلٹاڈون اور ریتھرا مائی سِن کا میل

    Click image for larger version. 

Name:	dawa copy.jpg 
Views:	940 
Size:	91.1 KB 
ID:	29930
    ھے ۔ ڈوکسی مائی سِن ۔ یہ اصل میں ڈوکسی سائیکلین ھی ھے ۔ ٹیٹرا کلور ۔ یہ اصل میں ٹیٹرا سائیکلین ھی ھے ۔ اِنروسِم ۔ یہ اصل میں اِنروفلاکساسِن ھے ۔ یہ سب اینٹی بائیوٹِکس ھیں اور یہ سب ھی قریب قریب سبھی بیکٹیریل بیماریوں میں کار آمد ھیں ۔ اور عام پولٹری ؤ ویٹرنری سٹور سے مِل جا تی ھیں ۔ آپ کوئی سی بھی لے سکتے ھیں ۔ میں زِیادہ اِنحصار ٹائلو فرسن اور اوکسی این ففٹی پر کرتا ھوں ۔ جو بیماریاں میں نے اوپر لِکھی ھیں یہ دوائیں اُن میں بہت فائدہ مند ھیں
    ۔ اب گرین ڈراپِنگ این ڈی وائرس کی وجہ سے ھے یا ای کولی کی وجہ سے میرے خیال میں یہ جاننا کوئی زیادہ فائدہ مند نہیں ھے کیونکہ آپ اینٹی بائیوٹِکس دینے کے عِلاوہ کوئی خاص عِلاج نہیں کر سکتے تو بہتر ھے کہ وقت پر اینٹی بائیو ٹِکس کا کورس شروع کروا دِیا جا ئے اگر بیکٹیریل بیماری کا حملہ ھے تو ٹھیک ھو جائے گا اور اگر وائرس ھے تو بھی کُچھ نا کُچھ تو فائدہ ھے ھی ۔ اب میں بات کو مُختصر کرتا ھوں ۔ اگر ڈراپِنگ میں آپ نے تبدیلی دیکھی کہ ڈراپِنگ پھٹی پھٹی ھے یا گرین ھے تو اینٹی بائیوٹک دیں ۔ اگر سانس کا مسئلہ ھے یعنی سانس کھینچ کھینچ کر لے رھا ھے اور ساتھ اگر آواز بھی آرھی ھے دُم بھی ہل رھی ھے تو اینٹی بائیوٹک دیں ۔ اگر پرِندے کی آنکھیں سُوج رھی ھیں اور اُن میں سے پانی بھی بہہ رھا ھے تو اینٹی بائیوٹک دیں اور ساتھ ڈیکسا کلور آئی ڈراپس اِستعمال کریں زینو کسی بھی استعمال کر سکتے ھیں۔ اگر پرِندے کی ڈراپنگ میں خون آرھا ھے تو ایک دوا جِس کا نام

    کوکسی کیور ھے دیں یہ بھی پولٹری میڈیسن ھے ۔ اگر آپ نے کوئی دوا لائس اور مائٹس کے لیئے استعمال نہیں کی اور آپ کے بجریز کو سکیلی مائٹس یا سکیلی فیس جِسے بھائی عام زُبان میں کہتے ھیں کہ میرے بجری کے پاؤں پر یا چونچ اور ناک پر خُشکی یا خارش ھو گئی ھے جیسا کوئی مسئلہ بن
    گیا ھے تو لکوئیڈ پیرافِن عام میڈیکل سٹور سے مِل جاتا ھے اُسے کِسی روئی وغیرہ سے مُتاثرہ حصے پر لگائیں دو تین دن روزانہ برڈ با لکُل ٹھیک ھو جا ئے گا اِنشا اللہ ۔ لیکن خیال رکھیں کے چونچ پر لگاتے ھوئے دوا برڈ کے مُنہ میں نا جائے یہ لوز موشن کی وجہ بن سکتی ھے ۔۔۔ اگر اِسہال کا مسئلہ بن گیا ھے جِسے ہم ڈائریا یا لُوز مو شن بھی کہتے ھیں تو ایک ٹیبلٹ ھے جِسکا نام ھے اِنٹاکس پی اُس کا پانچواں حِصہ ایک مِلی لیٹر پانی میں مِکس کر لیں اور اُس میں تھوڑی سی ھینڈ فیڈ مِلا کر کراپ نیڈل کے ذریعے دے دیں اور اینٹی بائیو ٹکس مِلا پانی بھی پنجرے میں رکھیں اِنٹاکس پی کی پہلی خوراک سے ھی آپ کو ڈراپِنگ میں فرق نظر آجائے گا دوسری خوراک شام میں پھِر دیں ۔ میں نے ڈائریا کے لیئے اِس سے اچھی میڈیسن نہیں دیکھی ۔ یہاں ایک اور بات عرض کرتا چلوں کہ اگر پرِندہ دو چار لوز موشن کر بھی لے تو یہ ضروری نہیں کہ وہ اِسہال کا ھی شِکار ھے کبھی کبھی ڈر سے خوراک کی

    تبدیلی سے اور کُچھ اور چھوٹی موٹی وجوہات سے بھی پرِندہ ایک دو لوز موشن کر سکتا ھے لیکِن وہ اِسہال نہیں ھے
    بجریز عام طور پر دِن میں پچیس سے تیس بار تک ڈراپَنگ کر سکتے ھیں اگر وہ اِس سے زِیادہ کر رھے ھیں اور ڈراپِنگ بھی سہی نہیں تو پھِر یہ اِسہال ھو سکتا ھے یاد رکھیں اِسہال پرِندے کو بہت جلد کمزور کرتا ھے اور بروقت عِلاج کا نا ھونا جان لیوا ھی ھو گا ۔ اگر آپ کے پاس وقت ھو تو بہتر ھے کہ اِسہال کے شِکار پرِندے کو ایک دو دِن ھینڈ فیڈ کروا دیں اِس سے اُس کے ٹھیک ھونے کے اِمکانات بڑھ جا ئیں گے ۔ کیونکہ وہ نرم غِذا ھونے کی وجہ سے جلد اورر بہتر ہضم ھو جا تی ھے ۔ یہاں ایک اور بات بھی عرض کرتا چلوں کہ اگر کوئی بھی بیماری آپ دیکھیں کہ پورے پرندوں میں کہیں کہیں نظر آرہی ھے تو سب پرِندوں کو ھی اینٹی بائیو ٹک کا کورس کروا دینا چاھیے ۔ اور ایک بات اگر بیماری
    کا حملہ زِیادہ شدید نو عیت کا ھے تو اوکسی این ففٹی کے ساتھ اِنرو سِم بھی مِکس کر لیں یا ٹائلو ڈوکس کے ساتھ اِنروسِم مِکس کر لیں یہ بہت تیز اثر دوا بنتی ھے اور فوری اثر کرتی ھے میں نے یہ کہیں پڑھا نہیں ھے میرا ذاتی تجربہ ھے اور میں نے اِسے ھر بیماری میں بہت ھی زِیادہ فائدہ مند پایا ھے ۔ میں یہ بات پھِر دُہرانا چاھوں گا کہ ھینڈفیڈ کروانا ضرور سیکھیں آپ کے پنجروں میں پرندوں کے مرنے کی تعداد میں واضح کمی آجائے گی ۔


    کراپ نیڈل کا اِستعمال ۔۔۔۔ ھینڈ فیڈ کروانا کوئی مُشکِل کام نہیں ھے بس تھوڑی احتیاط کی ضرورت ھو تی ھے ۔ اِس کے لئیے آپ کو ایک کراپ نیڈل چاھیے وہ آپ برڈز پلینٹ شا پ سے لے سکتے ھیں ۔ اور اِسکے عِلاوہ آپ خود بھی بنا سکتے ھیں ۔ ایک پانچ مِلی لیٹر
    کی سرِنج لے لیں اور ایک فیڈنگ ٹیوب جو میڈیکل سٹور سے مِل جا تی ھے لے لیں ۔ یہ فیڈنگ ٹیوب اِنسانی بیمار بچوں کے لئیے بنی ھے اِس کے آگے ایک لمبی سی پائپ نُما نالی لگی ھوتی ھے جَس کے نمبر ھوتے ھیں آپ آٹھ نمبر کی لے لیں ۔اُسے آگے سے کاٹ کر چھو ٹا کر لیں صِرف ڈیڑھ انچ کے قریب رہنے دیں ۔ اُسکے بعد اُسے آگے سے کِسی کپڑے وغیرہ سے اچھی طرح رگڑ لیں تاکہ وہ آگے سے مُلائم ھو جا ئے ۔ جب آپ کِسی بھی بجری کو کراپ نیڈل اِستعمال کرنے لگیں تو اُسے اِس طرح پکڑیں کہ وہ زِیادہ ہِل نا سکے میں نے تصویر میں کُچھ وضاحت کی کوشش کی ھے دیکھ لیں ۔ کراپ نیڈل کی نالی کو پانی سے تر کر لیں ۔اُسکے بعد کراپ نیڈل کو بجری کی چونچ

    Click image for larger version. 

Name:	hand feed .jpg 
Views:	918 
Size:	87.9 KB 
ID:	29929
    میں دائیں طرف سے ڈالیں لیکِن بہت آرام سے ۔ وہ دائیں طرف آپ کی بنے گی بجری کی نہیں ۔
    کراپ نیڈل کو آرام سے بجری کی کراپ تک لے جائیں ۔ یاد رکھیں کہ کراپ ڈلتے ھوئے اگر آپ محسوس کر رھے ھیں کہ کراپ گلے میں ھی کہیں رُک رھی ھے تو زور لگا کر ہرگِز اندر ڈالنے کی کوشش نا کریں ۔ کراپ نیڈل کو
    واپِس نِکال لیں اور دوبارہ ڈالیں ۔ کراپ نیڈل کے کراپ میں چلے جانے کے بعد آہستہ سے پانی یا فیڈ جو کُچھ بھی آپ دے رھے ھیں کراپ میں نِکال دیں ۔ اور آہستہ سے کراپ نیڈل واپِس نِکال لیں ۔ یہ آپ کو پہلے پہل تو مُشکِل لگے گا لیکِن جب آپ ایک دو با ر کر لیں گے تو اُس کے بعد آپ کو کوئی مُشکِل محسوس نہیں ھو گی ۔ ھو سکتا ھے کہ آپ ایک دو بار کوئی غلطی بھی کر جائیں لیکِن بھائی سچ یہی ھے کہ یہ ضروری ھے ۔

    بیماری کا سارے پنجروں میں پھیلنا اور اُسکی روک تھام ۔۔۔

    پرندوں کی اکثر بیماریاں وبائی ھوتی ھیں ایک پرندے سے دوسرے پرندے کو لگتی جاتی ھیں اور بعض اوقات تو سارے سیٹپ میں ھی بیماری کے آثار نظر آنے لگتے ھیں جو کافی پریشان کُن بات ھوتی ھے شو قین کے لیئے
    ۔اگر ایک ھی مسئلہ آپ کو مُختلف پرندوں میں نظر آرھا ھے جو بظاہر الگ الگ پنجروں میں ھیں تو یہ علامت ھے کہ بیماری پنجروں میں پھیل رھی ھے ۔ اُسے کیسے روکا جائے اِس سوال کا جواب ھم تب جان سکتے ھیں جب ھم بیماری
    کے پھیلنے کے ذرائع کا عِلم رکھتے ھوں ۔ عام طور پر بھائی سمجھتے ھیں کہ بیمار پرندے کو الگ کر دینے سے سارا مسئلہ حل ھو گیا یہ ضروری تو ھے لیکن صرف اِتنا ھی کافی نہیں ھے ۔ آپ سمجھیں کے کیا کیا راستے ھیں بیماری کے پاس
    پھیلنے کے لیئے پھر اُن راستوں کو بند کرتے جائیں تو بیماری کے پھیلنے کو روکا جا سکتا ھے ۔آپ سارے راستے تو بند نہیں کر سکتے کیو نکہ میرے خیال میں یہ ممکن نہیں ھے لیکن جو ھو سکے اُتنا تو کر ھی سکتے ھیں ۔ جیسا کہ بیمار پرندے والا
    دانہ کسی اور پرندے کے سامنے نا جانے دیں ۔ اگر آپ نے بیمار پرندے کو پکڑا ھے تو کسی اور پرندے کو پکڑنے سے پہلے ھا تھ دھو لیں ۔ اس کے لیئے میرے سیٹپ میں ڈیٹول مِلا شاور پڑا رھتا ھے جب بھی میں بیمار پرندے کو پکڑتا ھوں
    تو بعد میں ھاتھوں پر اچھی طرح ڈیٹول والے پانی سے شاور کر لیتا ھوں ۔ تاکہ خطرہ کسی حد تک کم ھو جائے ۔ جب بیماری کئی پرندوں میں نظر آچُکی ھو جو الگ الگ پنجروں میں تھے تو آپ نے چاھے بیمار پرندے الگ کر دیے پھر بھی خیال
    رکھیں کہ کسی پنجرے کا کوئی پرندا کسی اور پنجرے میں نا ڈالیں چاھے آپ کو وہ صحت مند ھی لگ رھا ھو ۔ کیو نکہ اکثر ایسا ھوتا ھے کہ بیماری پرندے میں آ تو چُکی ھو تی ھے لیکن ابھی اُس کی کوئی علامت ظاہر نہیں ھوتی تو ایسے پرندے
    بھی بیماری کو ایک پنجرے سے دوسرے پنجرے میں لے جاتے ھیں وہاں ھو سکتا ھے کہ ایک دو دن بعد علامات ظاہر ھو نے لگیں اور دوسرے پرندے بھی بیماری کی زد میں آجا ئیں ۔ اس لیئے بیماری کے پنجروں میں سے ختم ھونے تک
    احتیاط کریں کہ بِلا ضرورت پرندے اِدھر اُدھر نا کریں ۔ ویسے اکثر بیماریاں تو گھٹے مِٹی اور پرندوں کے پروں سے نکلنے والے پاؤڈر کو ھی اپنے پھیلنے کا ذریعہ بنا لیتی ھیں اس راستے کو بند کرنا تو شائد آسان نا ھو لیکن میرے خیال میں
    گرمی کِل وغیرہ کا سپرے اِس راستے کو بھی کافی حد تک بند کر سکتا ھے ۔ اگر بیماری پھیلی ھوئی ھےتو سب پرندوں کو دوا شروع کروانے کے ساتھ ساتھ سارے پنجروں میں سے سارا دانہ نِکال دیں سارے دانے اور پانی کے برتن دھو دیں
    سب پنجروں میں اچھی طرح صفائی کرنے کے بعد گرمی کِل وغیرہ کا سپرے کریں اور نیا دانہ ڈالیں ۔ اِس کا مقصد یہ ھے کہ دوا بیماری کو آپ کے پرندے میں سے تو ختم کر دیگی لیکن اگر بیماری کے جراثیم دانے یا پنجرے کی اشیا
    میں موجود ھیں تو بیماری دوبارہ حملہ کر سکتی ھے ۔ جو باتیں میں نے لِکھی ھیں اِن سے کافی مدد مل جائے گی کہ جراثیم پنجرے میں سے ختم ھو جائیں ۔۔ بھائی اگر یہ کام آپ کو محنت طلب لگیں اور آپ یہ نا کر سکتے ھوں تو معافی کے ساتھ عرض
    ھے کہ جب تک پرندے آپ کے پاس ھیں وہ آپ کی ذمہ داری ھیں تو ذمہ داری تو نِبھانی ھی پڑے گی اگر نہیں نِبھا سکتے تو شوق چھوڑ دیں پرندوں کی زِندگی کا سوال ھے ۔ صر ف آپ کے شوق کا نہیں ۔۔

    آخری بات ۔۔۔۔۔ بھائی میں نے کو شش تو کی ھے کہ کہیں لِکھنے میں کوئی غلطی نا ھو جائے لیکن اگر کوئی غلطی پھر بھی رہ گئی ھو تو معافی چاھتا ھوں ۔۔۔ اور کوشش کروں گا کے اُسے ریپلائی میں لِکھ دوں ۔۔۔ آپ سب کی دُعاؤں کا
    طلبگار اور سینئیرز سے سیکھنے کا اُمیدوار ۔۔۔۔ محسن حسین ۔۔۔۔ سب بھائیوں کو سلام ۔ اللہ حافِظ ۔۔۔

    Attached Thumbnails Attached Thumbnails Click image for larger version. 

Name:	molt copy.jpg 
Views:	519 
Size:	80.1 KB 
ID:	29931  
    Reply With Quote Reply With Quote Share with Facebook

  2. #2
    Super Moderator Bahroni's Avatar
    Join Date
    Jul 2012
    Location
    Islamabad
    Posts
    8,330
    Mentioned
    3443 Post(s)
    Tagged
    222 Thread(s)
    Rep Power
    239


    3 members found this post helpful.

    Re: بجریز پر چھوٹی سی کِتاب ۔۔۔۔۔۔۔۔

    Mohsin Bhai wonderful post.its concise, to the point and self explanatory.Will surely help new comers.Allah bless u always
    @vbadmin
    Plz make it sticky

    - - - Updated - - -

    Mohsin Bhai wonderful post.its concise, to the point and self explanatory.Will surely help new comers.Allah bless u always

    @vbadmin
    Plz make it sticky
    Sirf Ehsas e Nidamat, ik sajda aur Chashm e Tar....
    Aey Khuda kitna aasan hai manana tujh ko....
    Reply With Quote Reply With Quote Share with Facebook

  3. #3
    Premium Member hasnan's Avatar
    Join Date
    Jun 2011
    Location
    ISLAMABAD
    Posts
    2,230
    Mentioned
    407 Post(s)
    Tagged
    10 Thread(s)
    Rep Power
    68


    1 members found this post helpful.

    Re: بجریز پر چھوٹی سی کِتاب ۔۔۔۔۔۔۔۔

    great work for new hobyists...............................great
    Reply With Quote Reply With Quote Share with Facebook

  4. #4
    Verified Member
    Join Date
    Aug 2012
    Location
    Chichawatni (Sahiwal)
    Posts
    318
    Mentioned
    36 Post(s)
    Tagged
    1 Thread(s)
    Rep Power
    29


    1 members found this post helpful.

    Re: بجریز پر چھوٹی سی کِتاب ۔۔۔۔۔۔۔۔

    Lajawab Mohsin bhai, very well explained . JAZAKUM ALLAH.
    Reply With Quote Reply With Quote Share with Facebook

  5. #5
    Verified Member ar86's Avatar
    Join Date
    Mar 2013
    Location
    Multan
    Posts
    64
    Mentioned
    9 Post(s)
    Tagged
    1 Thread(s)
    Rep Power
    24


    1 members found this post helpful.

    Re: بجریز پر چھوٹی سی کِتاب ۔۔۔۔۔۔۔۔

    Thanks For detail Info.
    Reply With Quote Reply With Quote Share with Facebook

  6. #6
    Verified Member Duke of Ripon's Avatar
    Join Date
    Jan 2013
    Location
    Islamabad
    Posts
    491
    Mentioned
    50 Post(s)
    Tagged
    2 Thread(s)
    Rep Power
    31


    1 members found this post helpful.

    Re: بجریز پر چھوٹی سی کِتاب ۔۔۔۔۔۔۔۔

    Very well done brother, Its a marvellous information. Barak ALLAH, Amin.
    Reply With Quote Reply With Quote Share with Facebook

  7. #7
    Verified Member Haseeb Durrani's Avatar
    Join Date
    Feb 2013
    Location
    Rawalpindi
    Posts
    124
    Mentioned
    17 Post(s)
    Tagged
    2 Thread(s)
    Rep Power
    28


    1 members found this post helpful.

    Re: بجریز پر چھوٹی سی کِتاب ۔۔۔۔۔۔۔۔

    only one word "marvelous"
    Reply With Quote Reply With Quote Share with Facebook

  8. #8
    Premium Member Najum ul Saqib's Avatar
    Join Date
    Apr 2011
    Location
    Gujranwala,Pakistan
    Age
    20
    Posts
    2,833
    Mentioned
    307 Post(s)
    Tagged
    11 Thread(s)
    Rep Power
    84


    1 members found this post helpful.

    Re: بجریز پر چھوٹی سی کِتاب ۔۔۔۔۔۔۔۔

    wah kya baat hy yaar @mohsin hussain ki! bhai ap waqai me humaray mohsin hey... Mashallah!! Allah apko kamyabi ata farmaey... Ameen
    Reply With Quote Reply With Quote Share with Facebook

  9. #9
    Premium Member
    Join Date
    Oct 2011
    Location
    Islamabad
    Posts
    1,330
    Mentioned
    243 Post(s)
    Tagged
    2 Thread(s)
    Rep Power
    54


    1 members found this post helpful.

    Re: بجریز پر چھوٹی سی کِتاب ۔۔۔۔۔۔۔۔

    super.....
    Reply With Quote Reply With Quote Share with Facebook

  10. #10
    Premium Member sonaray's Avatar
    Join Date
    Dec 2012
    Location
    Sindh / Wah Cantt
    Posts
    2,733
    Mentioned
    1414 Post(s)
    Tagged
    56 Thread(s)
    Rep Power
    125


    1 members found this post helpful.

    Re: بجریز پر چھوٹی سی کِتاب ۔۔۔۔۔۔۔۔

    @mohsin husain what a blastic post, khobsurat saada zaban or asan tehreer. Love ur style of writing and explaining the thing. Strongly recommended to be sticky being a comprehensive guide for budgies keepers. @vbadmin
    Reply With Quote Reply With Quote Share with Facebook

Members who have read this thread: 9

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •